لاہور : قومی کرکٹ ٹیم کےسابق کپتان اور سٹار آل راؤنڈر شاہد آفریدی نے نہ صرف کرکٹ کھیلنے والے ممالک میں بلکہ امریکہ جیسے ملک میں بھی اپنی صلاحیتوں کا لوہا منوایا ہے ۔ یہی وجہ ہے کہ امریکی ریاست ٹیکساس کے ایک شہر میں آج 5 فروری کو “یومِ شاہد آفریدی” کے طور پر منایا جا رہا ہے۔ امریکی ریاست ٹیکساس کے شہر پورٹ آرتھر میں گزشتہ آٹھ برس سے “یومِ شاہد آفریدی” منانے کا سلسلہ جاری ہے۔ پورٹ آرتھر کی خاتون میئر ڈلورس بوبی پرنس نے سنہ 2014 میں 5 فروری کو بطور یوم ِ شاہد آفریدی منانے کا اعلان کیا تھا ۔ اس کے بعد سے اب تک یہ سلسلہ جاری ہے۔ خیال رہے کہ شاہد آفریدی انٹرنیشنل کرکٹ سے ریٹائرمنٹ لے چکے ہیں تاہم وہ پاکستان سپر لیگ (پی ایس ایل) کھیلتے رہتے ہیں۔ پی ایس ایل کے ساتویں سیزن میں وہ کوئٹہ گلیڈی ایٹرز کی نمائندگی کر رہے ہیں۔
لاہور قلندرز نے ہاری بازی جیت لی، یونائیٹڈ کو شکست
