ملتان : اپوزیشن کی دوسری بڑی جماعت پاکستان پیپلز پارٹی کے مرکزی رہنما اور سابق وزیر اعظم یوسف رضا گیلانی نے ایگزٹ کنٹرول لسٹ (ای سی ایل) میں نام ہونے کے باوجود 17 ممالک کے دوروں پر حیرت کا اظہار کیا ہے ۔ ملتان میں سیمینار سےخطاب کرتے ہوئےسید یوسف رضا گیلانی نے کہا کہ ہم نے ہر دور میں غلط کام کی مخالفت کی ہے، ہم نے 73 کے آئین کو اصل حالت میں بحال کیا ،صوبوں کو حقوق اگر پہلے دے دیئے جاتے تو مشرقی پاکستان الگ نہ ہوتا،اگر آپ اپنے منشور پر عمل کرتے ہیں تو پھرآپ کامیاب ہیں اور اگر آپ اپنے منشور سے انحراف کرتے ہیں تو آپ کی حکومت ناکام ہے. انہوں نے کہا کہ میں 2013ءسے اب تک 17 ممالک میں پاکستان کی نمائندگی کر چکا ہوں،موسمیاتی تبدیلی سے متعلق کانفرنس میں شرکت کیلئے دعوت آئی تھی لیکن ائیرپورٹ پر مجھے روک دیا گیا ،میں حیران ہوں ای سی ایل میں نام کے باوجود 17 ممالک جاچکا ہوں۔سابق وزیراعظم نے کہا کہ ہم نے آئین کو اصل شکل میں بحال کیا، صحافت پر قدغن نہیں ہونی چاہیے، صحافیوں کے جائز تمام مطالبات کو تسلیم کرتے ہیں۔
آریان خان کی دوست سینیٹری پیڈ میں منشیات چھپا کر لے گئی تھی این سی بی نے ویڈیو جاری کردی
