اسلام آباد : مسلم لیگ ن نے پاکستان تحریک انصاف کی حکومت کی 3 سالہ کارکردگی کے اشتہار میں بھارتی تصاویر استعمال کرنے کا الزام لگا دیا۔ تفصیلات کے مطابق پاکستان مسلم لیگ ن کی ترجمان مریم اورنگزیب نے دعویٰ کیا ہے کہ حکومت نے اپنی تین سال کی کارکردگی دکھانے کے لئے بھارتی ویب سائٹ کی تصویریں استعمال کی ہیں۔ سماجی رابطوں کہی ویب سائٹ ٹوئٹر پر جاری کردہ اپنے ایک پیغام میں انہوں نے کہا کہ جعلساز عمران صاحب نے تین سال کی اپنی کارکردگی دکھانے کے لیے بھارتی ویب سائٹ کی تصویر یں استعمال کی ہیں۔ ن لیگی ترجمان نے ویب سائٹ کا لنک شیئر کرتے ہوئے کہا کہ اس لنک سے سے عمران خان حکومت کی ’کارکردگی‘ رپورٹ کے ثبوت بمع تصویر دیکھے جاسکتے ہیں۔
خیال رہے کہ پاکستان تحریک انصاف کی حکومت کے 3 سال مکمل ہوچکے ہیں ، اس حوالے سے وزیراعظم عمران خان آج قوم سے اہم خطاب کریں گے جس میں حکومت کی 3 سالہ کارکردگی قوم کے سامنے رکھیں گے ، وزیراعظم کا خطاب ملک بھرمیں عوامی مقامات پربراہِ راست دکھانے کا فیصلہ کیا گیا ہے۔ وزیراعظم کا خطاب ملک بھر میں دکھانے کے لیے ٹیمیں تشکیل دے دی گئیں ہیں ، انصاف یوتھ ونگ کے نوجوان خطاب عوام کودکھانےکےانتظامات کریں گے ، خطاب نشر کرنے کیلئے لاہور ، کراچی ، پشاور ، کوئٹہ سمیت گلگت ، ملتان اور حیدرآباد میں بڑی اسکرینیں نصب ہوں گی۔ اسی حوالے سے وفاقی وزیر برائے اطلاعات و نشریات فواد چوہدری نے کہا ہے کہ پاکستان میں کتنی حکومتییں اپنی کارکردگی پر عوام کو جوابدہی کرتی رہیں ، یہ عمران خان کی حکومت ہے جو تین سال کی کارکردگی عوام کے سامنے فخر سے رکھ سگتی ہے ، ورنہ 30 سال حکومت کرنے والے اپنا منہ چھپا رہے ہیں لیکن ہم معیشت ، خارجہ پالیسی اور اندرونی استحکام کے تین سال آج حقائق کے ساتھ سامنے لائیں گے۔
Breaking news جعلساز عمران صاحب نے تین سال کی اپنی کارکردگی دکھانے کے لئے بھارتی ویب سائٹ کی تصویر یں استعمال کی ہیں۔ https://t.co/w5sjzYvTLAلنک سے عمران خان حکومت کی” کارکردگی“ رپورٹ کے ثبوت بمع تصویر دیکھے جاسکتے ہیں۔ #جعلساز_کے_تین_سال pic.twitter.com/ccQZUUPXxm
— Marriyum Aurangzeb (@Marriyum_A) August 26, 2021
