کراچی : پاکستان سپر لیگ (پی ایس ایل) کے 7ویں ایڈیشن کے میچ میں لاہور قلندرز نے پشاور زلمی کو جیت کے لیے 200 رنز کا ہدف دیا ہے۔ کراچی کے نیشنل سٹیڈیم میں کھیلے جا رہے ایونٹ کے 9ویں میچ میں پشاور زلمی نے ٹاس جیت کر لاہور قلندرز کو بیٹنگ کی دعوت دی ہے۔ لاہور قلندرز کے اوپنرز نے ٹیم کو 94رنز کا شاندار آغاز فراہم کیا ،اسی سکور پر عبداللہ شفیق کی 41 رنز کی اننگز عثمان قادر کے ہاتھوں اختتام کو پہنچی۔ فخر زمان نے 3 چھکوں اور چھ چوکوں کی مدد سے 66 رنز بنائے لیکن حسین طلعت کی گیند پر وہ بین کٹنگ کو کیچ دے بیٹھے۔کامران غلام اور محمد حفیظ نے 45 رنز کی ساجھے داری قائم کی لیکن سلمان ارشاد نے یکے بعد دیگرے کامران اور پھر ڈیوڈ ویزے کو چلتا کردیا۔
طوفانی ہواؤں کے باعث برٹش ائیرویز کی پرواز حادثے سے بچ گئی، لینڈنگ کی ویڈیو وائرل
راشد خان نے 3 چھکوں کی مدد سے 22 رنز بٹورے جس کی بدولت قلندرز 4 وکٹوں کے نقصان 199رنز بنانے میں کامیاب رہے، حفیظ نے 19 گیندوں پر 37رنز کی اننگز کھیلی۔ لاہور قلندرز کی جانب سے سلمان ارشاد نے دو جبکہ عثمان قادر اور حسین طلعت نے ایک، ایک وکٹ حاصل کی۔ پاکستان سپر لیگ 7 میں پشاور زلمی اور لاہور قلندرز دونوں نے ایک، ایک میچ میں فتح حاصل کی جبکہ ایک میچ میں انہیں شکست کا سامنا کرنا پڑا۔ میچ کے لیے پشاور زلمی کی ٹیم وہاب ریاض (کپتان)، حضرت اللہ زازئی، کامران اکمل، حیدر علی، حسین طلعت، شعیب ملک، شرفین ردرفورڈ، بین کٹنگ، عارش علی خان، عثمان قادر، سلمان ارشاد پر مشتمل ہے جب کہ لاہور قلندرز کی ٹیم میں شاہین شاہ آفریدی (کپتان)، فخر زمان، عبداللہ شفیق، کامران غلام، محمد حفیظ، ذیشان اشرف، بین فاکس کرافٹ، ڈیوڈ ویزے، راشد خان، حارث رؤف، زمان خان شامل ہیں ۔
بریٹ لی نے شاہین شاہ آفریدی بارے ایسی بات کہہ دی کہ جان کر آپ کو بھی خوشی ہوگی
ٹی ایل پی سربراہ سعد رضوی کل رشتہ ازدواج میں منسلک ہو جائیں گے
