دبئی: ویسٹ انڈین کرکٹ ٹیم کے جارح مزاج بلے باز کرس گیل نے کہاہے کہ محتاط اوپنرز نے ٹی ٹوئنٹی کرکٹ کا حسن تباہ کردیا ہے۔ غیر ملکی میڈیا کےمطابق سابق اوپنرکرس گیل نےکہاہے کہ مختصر فارمیٹ کی کرکٹ کا آغاز ہوا تو افتتاحی بلے بازآغاز میں ہی جارحانہ انداز اپناتے تھے، یہ صورت حال اب ٹی 10میچز میں نظر آتی ہے۔انھوں نےکہاکہ وقت کے ساتھ ٹی ٹوئنٹی کرکٹ میں جارحانہ پن کی کمی ہوتی جا رہی ہے،اب اوپنرز ابتدائی چھ اوورز میں جارحانہ سٹروکس کھیلنے کے بجائے اپنے لیے بیٹنگ کرتے نظر آتے ہیں،اس وجہ سے ٹی ٹوئنٹی میچز میں تفریح کا عنصر ختم ہوتا جا رہا ہے۔ان کا کہنا تھا کہ ان کی سمجھ سے بالاتر ہے کہ پاور پلے میں بلے باز اپنے خول میں بند کیوں نظر آتے ہیں؟انھیں ابتدا میں ہی جارحیت برقرار رکھتےہوئےشائقین کوبھرپور تفریح فراہم کرنا چاہیے،یہی مختصر فارمیٹ کی جان ہے۔
