اسلام آباد: قومی کرکٹ ٹیم کے ورلڈ ٹی 20 سکواڈ کے لیے منتخب کھلاڑیوں میں سے تین کھلاڑیوں کو تبدیل کیے جانے کا امکان ہے۔ جیو نیوز کے مطابق فاسٹ باؤلر محمد حسنین، وکٹ کیپر بلے باز اعظم خان اور مڈل آرڈر بلے باز صہیب مقصود کو سکواڈ میں سے نکالا جاسکتا ہے اوران کی جگہ شاہنواز دھانی، فخر زمان اور شعیب ملک کو شامل کیا جاسکتا ہے۔سکواڈ میں تبدیلیوں کے حوالے سے چیف سلیکٹر محمد وسیم ، چیئرمین پی سی بی رمیز راجہ اور قومی کرکٹ ٹیم کے کپتان بابر اعظم میں مشاورت کا عمل مکمل ہوگیا ہے۔تاہم تبدیلیوں کے حوالے سے حتمی اعلان رمیز راجہ کریں گے۔ واضح رہے کہ نیشنل ٹی 20 کپ میں شامل کھلاڑیوں کی پرفارمنس کے باعث سکواڈ میں تبدیلی کا فیصلہ کیا گیا تھا۔اعظم خان اور صہیب مقصود اب تک کھیلے گئے میچز میں بہتر کارکردگی نہیں دکھا سکے تھے۔
رواں سال کے دوران بارشوں کا اب تک کا سب سے تگڑا سلسلہ شروع ہونے والا ہے
