اسلام آباد : عوامی مسلم لیگ کے سربراہ شیخ رشید احمد نے کہا ہے کہ میری جان کو خطرہ ہے‘ تھانے میں 7 لوگوں کے نام دے کر آیا ہوں ، میں نے تمام اہم لوگوں کو درخواستیں دے دی ہیں ، میں نے وقت سے پہلے لکھ کر دے دیا ہے کہ یہ ذمہ دار ہیں ۔ تفصیلات کے مطابق اسلام آباد میں پریس کانفرنس کرتے ہوئے انہوں نے کہا کہ حکومت ملک میں خانہ جنگی چاہتی ہے، یہ رانا ثنا اللہ کے ذریعے گند ڈالنا چاہتے ہیں ، عابد شیر علی کا والد کہتا ہے رانا ثنا اللہ نے 18 قتل کیے ، ایف آئی آرز پڑھیں ،
مرکزی رویت ہلال کمیٹی کا چاند نظر نہ آنے کا اعلان لیکن مفتی پوپلزئی نے کیا اعلان کیا؟
ساری ایف آئی آرز رانا ثنااللہ نے خود لکھوائی ہیں ، عمران خان اور فواد چودھری کا نام ایف آئی آر میں دیا ہے ، میرا نام تو انہوں نے دینا ہی دینا تھا ، میں ڈرنے والا نہیں ، ہتھکڑی زیور اور جیل سسرال ہے ، میں نے ان کو مدد کرنے کے لیے بتایا کہ آپ کے حالات خراب ہیں ، میں پھر انہیں بتا رہا ہوں کہ لوگ انہیں انڈے ماریں گے ۔ سابق وزیر داخلہ نے کہا کہ دنیا میں کوئی باپ بیٹا ایسا نہیں جن پر فرد جرم لگنی تھی وہ وزیر اعظم اور وزیر اعلیٰ ہیں ، عدلیہ سے کہنا چاہتا ہوں کہ عدلیہ انصاف کرے ، سارا بوجھ عدلیہ پر آنے والا ہے ، یہ تحریک سے پہلےشیخ رشید اور عمران خان کو جیل بھیجنا چاہتے ہیں ، مائیں بہنیں اس طرح نکلیں گی کہ لوگوں کا سمندر نہیں سنبھالا جائے گا ۔ انہوں نے کہا کہ میں تو پہلے کہتا تھا ن سے ش نکلے گی ، اس وقت تو ش کی حکومت ہے ، میں نے پشاور میں کہا لوگوں نے انہیں گالیاں دینی ہیں ، رات بھی میرے پیچھے لوگ لگائے رکھے ۔ شیخ رشید احمد نے کہا کہ لوگ عمران خان کی کال پر آ رہے ہیں ، مقتدر حلقے کبھی خاموش نہیں رہتے، ان کی آنکھیں اور کان کھلے ہیں ، ہمیں سامراجیوں نے نکالا اور ان کے لوکل ہینڈلر نواز شریف اور ان کی پارٹی کے لوگ بکے ۔
بابر اعظم نے غلاف کعبہ تیاری کی سعادت حاصل کر لی
شوال کا چاند نظر نہیں آیا، عید 3 مئی کو ہوگی، مرکزی رویت ہلال کمیٹی کا اعلان
