لاہور: وزیراعظم عمران خان کے مشیر احتساب شہزاد اکبر کا نام ایگزیکٹ کنٹرول لسٹ میں ڈالنے کیلئے قرار داد پنجاب اسمبلی میں جمع کروا دی گئی ۔ تفصیلات کے مطابق پنجاب اسمبلی میں قرار داد مسلم لیگ ن کی رکن اسمبلی سعدیہ تیمور نے جمع کروائی جس میں مطالبہ کیا گیاہے کہ شہزاد اکبر پر براڈ شیٹ سکینڈل میں بڑی رقم وصولی کا الزام ہے ، اس لیے وزیراعظم کے مشیر احتساب کا نام ای سی ایل میں ڈالا جائے ۔ یاد رہےکہ شہزاد اکبر نے گزشتہ روز اپنے عہدسے سے استعفیٰ وزیراعظم عمران خان کو بھجوا دیا تھا جس کا اعلان انہوں نے ٹویٹر پر جاری پیغام میں کیا ۔ میڈیا میں خبریں گردش کرتی رہیں کہ وزیراعظم عمران خان نے میٹنگ کے دوران شہزاد اکبر پر کرپشن کیسز سست روی کا شکارہونے پر ناراضگی کا اظہار کیا تھا ۔
شاہین آفریدی نے پوری قوم کاسر فخر سے بلند کر دیا ، آئی سی سی کا سب سے بڑا یوارڈ جیت لیا
آئندہ چوبیس گھنٹوں میں کہاں کہاں سے بارش اور برفباری کا امکان ہے؟ محکمہ موسمیات کی پیشنگوئی
