ملتان : جماعتِ اسلامی پاکستان کے امیر سراج الحق نے کہا ہے کہ ایک دن کی حکومت ملے تو ملک میں ایک نظامِ انصاف قائم کر دوں گا۔ڈسٹرکٹ بارسے خطاب کرتے ہوئے امیرِ جماعتِ اسلامی سراج الحق نے کہا کہ پاکستان میں حقیقی جمہوری جماعت، جماعتِ اسلامی ہے۔انہوں نے کہا کہ بار کے ساتھ جماعتِ اسلامی کا ایک قریبی تعلق ہے، میں چاہتا ہوں کہ پاکستان میں بار اور مضبوط ہو جائے۔
سراج الحق نے کہا کہ پرویز مشرف نے بھی احتساب کی بات کی تھی، غربت اور دولت کی بنیاد پر ہم نے معاشرہ تقسیم کر دیا، لاکھوں کی تعداد میں ہمارے نوجوان نشے کے عادی ہو گئے۔ انہوںنے کہاکہ پاکستان کی معیشت کا بیڑا غرق ہو گیا، 47 ہزار ارب روپے اس وقت ہم پر قرض ہیں، آپ جو بھی ٹیکس دیتے ہیں وہ سود یا تنخواہوں کے لیے ہوتا ہے۔ امیرِ جماعتِ اسلامی کا کہنا ہے کہ سودی نظام اور پاکستان ساتھ ساتھ نہیں چل سکتے، وزیرِ اعظم عمران خان کو بھی پاناما اور پنڈورا لیکس پر کمیشن بنانا چاہیے تھا۔ انہوں نے کہا کہ جو کام گزشتہ حکومتوں نے کیا، یہ حکومت بھی وہی کر رہی ہے، میں نے پی ڈی ایم کا ساتھ نہیں دیا، اس وقت بھی اسلام آباد میں کھیل جاری ہے۔سراج الحق نے کہا کہ پی ٹی آئی اور پی ڈی ایم، ان سب کا ایک کلچر ہے، یہ سب آئی ایم ایف کے غلام ہیں، یہ سیاسی اور معاشی دہشت گرد ہیں۔

کیا واقعی حسن علی کی بیوی اور بیٹی کو دھمکیاں دی گئی ہیں؟ سامعہ خان نے حقیقت واضح کردی

ڈیم فنڈ کی رقم کہاں گئی؟ سابق چیف جسٹس ثاقب نثار خود میدان میں آگئے، صورتحال واضح کردی

سعودی عرب کے قرضے کا جادو ٹوٹنے لگا، ڈالر واپس پرانی قیمت سے بھی اوپر چلا گیا