Tuesday September 24, 2024

25سال کے بعد پارلیمانی سیاست میں واپسی آصف علی زرداری قومی اسمبلی کے کس حلقے سے الیکشن لڑیں گے پاکستانیوں کےلئے حیران کر دینے والی خبر آگئی

واب شاہ(مانیٹرنگ ڈیسک)پاکستان پیپلز پارٹی کے شریک چیئرمین اور سابق صدر آصف علی زرداری این اے 213 سے قومی اسمبلی کے انتخابات میں حصہ لیں گے۔آصف زرداری کے کاغذات نامزدگی بدھ کے روز ریٹرننگ آفیسر ایڈیشنل سیشن جج مجبوب اعوان کے پاس جمع کرائے گئے، سابق صدر کے کاغذات نامزدگی ابوبکر زرداری نے وکلا ٹیم کے ہمراہ جمع

کرائے۔این اے213پر اس سے قبل آصف علی زرداری کی ہمشیرہ ڈاکٹر عذرا افضل پیچوہو رکن قومی اسمبلی منتخب ہو چکی ہیں۔ستمبر 2008میں صدر پاکستان کا عہدہ سنبھالنے سے پہلے آصف علی زرداری دو بار قومی اسمبلی کے رکن منتخب ہو چکے ہیں جب کہ ایک بار سینیٹر رہ چکے ہیں۔2018 کے انتخابات میں وہ 25 سال بعد پارلیمانی سیاست میں واپس آئیں گے۔1987 میں پاکستان پیپلز پارٹی کی چیئرپرسن بے نظیر بھٹو سے شادی سے قبل آصف علی زرداری نے 1985 کے غیر جماعتی انتخابات میں حصہ لیا لیکن کامیاب نہیں ہو سکے تھے البتہ 1990 کے عام انتخابات میں آصف علی زرداری پہلی بار قومی اسمبلی کے رکن منتخب ہوئے، اس وقت بے نظیر بھٹو قومی اسمبلی میں قائد حزب اختلاف تھیں جبکہ نواز شریف وزیر اعظم تھے۔سابق صدر 1993 میں ایک بار پھر قومی اسمبلی کے رکن منتخب ہوئے اور بے نظیر بھٹو کی کابینہ میں وزیر سرمایہ کاری مقرر ہوئے، 1997 میں جب اس اسمبلی کو تحلیل کیا گیا تو آصف زرداری کو سینیٹر بنا دیا گیا۔2004 میں جیل سے رہا ہونے کے بعد وہ خود ساختہ جلاوطنی پر دبئی چلے گئے تاہم 2007 میں بے نظیر بھٹو کے قتل کے بعد انہوں نے پاکستان واپس آ کر پاکستان پیپلز پارٹی کی باگ ڈور سنبھالی۔

FOLLOW US