اسلام آباد : وزیراعظم شہباز شریف کی سرکاری خرچ پر عمرہ ادائیگی کے لیے لاؤ لشکر لے جانے کی کوشش ناکام ہوگئی ، اب 74 افراد کے بجائے 13 افراد سعودی عرب جائیں گے۔ تفصیلات کے مطابق اےآر وائی نیوزکی نشاندہی، زبردست سیاسی اورعوامی ردعمل کے نتیجے میں وزیراعظم شہباز شریف کی سرکاری خرچ پر لاؤلشکرکو عمرہ پر لے جانے کی کوشش ناکام ہوگئی۔ شہباز شریف کے ہمراہ 74 افراد کے بجائے اب 13 افراد پر مشتمل مختصر وفد سعودی عرب جائے گا، وفد پاک ایئرفورس کے خصوصی طیارے سے سعودی عرب جائے گا۔
دباؤمیں لانے کی کوشش ناکام، الیکشن کمیشن نے عمران خان کے بیانات کے بعد بڑا قدم اٹھا لیا
ارکان کو صبح 10 بجے نورخان بیس راولپنڈی پہنچنے کی ہدایات کردی ہے ، خصوصی طیارےکی ممکنہ روانگی صبح11 بجےرکھی گئی ہے۔ حکومتی دعوؤں کے باوجود عمرہ سرکاری خرچ پر ہی ہوگا ، حکومتی ذرائع نے وفد کے تمام ممبران کو ٹکٹ کی ادائیگی خود کرنے کا کہا جبکہ اکثر ارکان نے شیڈول پروازوں اور ذاتی خرچ پر جانے سے معذرت کرلی ہے۔. خیال رہے اے آروائی نیوز نے سرکاری خرچ پر چوہتر افراد کےعمرہ پرجانےکی نشاندہی کی تھی اور عمرہ پر جانے کیلئے وزارت خارجہ کی جانب سے خصوصی طیارہ مانگنے کی خبر اےآروائی نیوزنے بریک کی تھی ۔ اے آر وائی کی کاوش سے قومی ایئرلائن کو کروڑوں روپے کے نقصان سے بچالیا گیا۔
ملک میں بجلی کا شارٹ فال ساڑھے 8 ہزار میگا واٹ ہو گیا
چار یا پانچ چھٹیاں؟ صوبائی دارالحکومت نے عید الفطر کی تعطیلات کا نوٹیفیکیشن جاری کر دیا
