دبئی : دبئی کے حکمران کے سائیکل پر ایکسپو 2020ء سائٹ کے دورے کی ویڈیو وائرل ہوگئی۔ تفصیلات کے مطابق متحدہ عرب امارات کے نائب صدر اور وزیر اعظم اور دبئی کے حکمران شیخ محمد بن راشد المکتوم نے ایکسپو 2020 دبئی سائٹ کا سائیکل پر ٹور کیا ، جس کی ویڈیو سوشل میڈیا پر وائرل ہورہی ہے۔ بتایا گیا ہے کہ شیخ محمد بن راشد المکتوم کا دورہ ایکسپو 2020 دبئی کی تیاریوں کے طور پر سامنے آیا کیوں کہ دنیا اگلے مہینے میگا ایونٹ کے آغاز کا بے صبری سے انتظار کر رہی ہے ، میگا ایونٹ سے پہلے تمام مقامی اور وفاقی ایجنسیوں کی جانب سے تیاری زوروں پر ہے اور یکم اکتوبر سے دنیا بھر سے آنے والے افراد کے لیے دبئی ایکسپو 2020ء کے دروازے کھول دیے جائیں گے اور توقع کی جارہی ہے کہ ایونٹ 190 ممالک کے نمائش کنندگان اور وفود کے ساتھ ساتھ لاکھوں سیاحوں کی اپنی جانب متوجہ کرے گا۔
علاوہ ازیں متحدہ عرب امارات میں ایکسپو2020ء کے دوران سیاحت کو فروغ دینے کے لیے ایمریٹس ایئرلائن نے آسٹریلوی اداکار کرس ہیمزورتھ کو اپنی نئی تشہیری مہم کا حصہ بنا لیا اور دبئی ایکسپو2020 کیلئے ایمریٹس کی تیار کردہ ویڈیو آتے ہی مقبول ہوگئی ، ڈیڑھ منٹ کی اس ویڈیو مہم جس کو 2 بار آسکر ایوارڈ جیتنے والے ہدایت کار روبرٹ سٹرومبرگ کی جانب سے ڈائریکٹ کیا گیا ہے جو کہ ایکسپو2020ء کے انعقاد سے30 دن پہلے سامنے آئی ، ویڈیو میں اداکار کرس ہیمزورتھ پیغام دیتے ہیں کہ آپ مستقبل دیکھنا چاہتے ہیں تو آئیے ، یہ دبئی ہے اور یہ دنیا کا سب سے بڑا شو ہے۔
’ ایک جاسوس نے پنج شیر میں فساد کروایا‘ گلبدین حکمت یار کھل کر بول پڑے
. @HHShkMohd goes on a bike tour of @Expo2020Dubai, as the world eagerly awaits the launch of the mega-event next month. pic.twitter.com/02lckG3W5h
— Dubai Media Office (@DXBMediaOffice) September 12, 2021
