لاہور: پاکستان ٹی 20 کرکٹ ٹیم کے کپتان بابراعظم نے جیت کا کریڈٹ بائولرز کو دیتے ہوئے کہا ہے کہ سیریز کے بقیہ میچوں میں پاور پلے میں بیٹنگ مزید بہتر بنانے کی کوشش کریں گے۔ تفصیلات کے مطابق پہلے ٹی 20 میچ میں فتح کے بعد گفتگو کرتے ہوئے کپتان بابراعظم نے کہا کہ آج کی جیت کا تمام تر کریڈٹ بائولرزکو جاتا ہے جنہوں نے بنگلہ دیش کو اچھے آغاز کے باوجود 150 سے کم رنز پر روکا، حارث رئوف نے اچھا کردار ادا کیا۔

انہوں نے کہا کہ اتنی سست وکٹ کی توقع نہیں تھی تاہم اس کے باوجود بائولرز نے بروقت صحیح منصوبہ بندی کرتے ہوئے بائولنگ کی اور ہم نے یہی منصوبہ بنایا تھا کہ انہیں جلد از جلد آئوٹ کریں گے۔بابراعظم کا کہنا تھا کہ بائولرز کے بعد جس طرح شعیب ملک اور احسان علی نے بیٹنگ کی ہے وہ بہت اچھی تھی اور ہم سیریز کے بقیہ میچوں میں پاور پلے میں مزید اچھی بیٹنگ کی کوشش کریں گے۔