لاہور : پاکستان کرکٹ ٹیم کے ہیڈ کوچ ثقلین مشتاق نے فاسٹ بولر حسن علی کو قومی ٹیم کی جان اور فائٹر قرار دے دیا۔ میڈیا سے گفتگو میں 44 سالہ ثقلین مشتاق نے کہا کہ ٹی 20 ورلڈ کپ میں پاکستان ٹیم کی سب نے تعریف کی، مخالف ٹیمیں بھی داد دیتی نظر آئیں۔ انہوں نے کہا کہ حسن علی پاکستان ٹیم کی جان ہے ،وہ فائٹر ہے، فرنٹ لائن پر کھیلنے والے کھلاڑیوں کے ساتھ ایسے حالات پیش آتے رہتے ہیں۔ قومی ٹیم کے ہیڈ کوچ کا مزید کہنا تھا کہ وہ عبوری کوچ ہیں، مستقبل کے پلان آئیں گے تو کچھ سوچیں گے۔ ان کا کہنا تھا کہ قومی سکواڈ کی سب سے بہترین پلیئنگ الیون یہ ہی بنتی تھی، سب کا متفقہ فیصلہ تھا کہ اس الیون کو ہی برقرار رکھا جائے۔ ثقلین مشتاق نے یہ بھی کہا کہ 100 میں سے 95 فیصد لوگ ٹیم کی تعریف کررہے ہیں، شکست کسی کو بھی اچھی نہیں لگتی، اس پر سب کو دکھ ہے۔
عالمی مارکیٹ میں تیل سستا ہونے پرعوام کو9 روپے فی لیٹر ریلیف ملنےکا امکان
محمد رضوان کا آئی سی یو سے میدان کا سفر معجزہ تھا: معالج وکٹ کیپر حوصلے،ہمت کی مثال ہیں
