لاہور (مانیٹرنگ ڈیسک) پاکستان سپر لیگ کے پلے آف رائونڈ میں بڑے غیر ملکی کرکٹرز کی شمولیت کے حوالے سے کئی شکوک و شبہات موجود تھے ۔ تاہم اب پاکستان آنے والے 16کھلاڑیوں کے ناموں کی تصدیق کے بعد بڑی حد تیک غیر یقینی صورتحال کا خاتمہ ہو چکا ہے ۔ یہ سولہ کھلاڑی پلے آف رائونڈ کھیلنے والی مختلف ٹیموں کا حصہ ہیں۔ کوئٹہ گلیڈی ایٹرز کو کیون پیٹرسن اور شین واٹسن کی جگہ سری لنکا کے تھیسارا پریرا اور ویسٹ انڈیز کے جونسن چارلس کی خدمات مل چکی ہیں۔ انگلینڈ کے یارک شائر کانٹی کے بیٹسمین کوہلر، آسٹریلیا کے کرس گرین اور بنگلا دیش کے محمود اللہ بھی پشاور زلمی کے خلاف میچ کھیلنے کیلئے پاکستان آرہے ہیں۔پشاور زلمی کے کپتان ڈیرن سیمی کے ہمراہ لیام ڈوسن، رکی ویسلز، کرس جورڈن، آندرے فلیچر اور تمیم اقبال میچ کھیلیں گے۔کراچی کنگز کو اسلام آباد یونائیٹڈ سے شکست کے بعد لاہور میں
بدھ کو ہونے والے ایلیمینیٹر میں جوئے ڈینلی، کولن انگرام، روی بوپارا، ٹائمل ملز اور ڈیوڈ ویزایکشن میں نظر آئیں گے۔اسلام آباد یونائیڈ کے کپتان الیکس ہیلز کی پاکستان آمد کا حتمی اعلان نہیں کیا گیا جبکہ جے پی ڈومنی، لیوک رونچی سمیت دیگر کرکٹرز کراچی میں فائنل کیلئے 22 مارچ کی رات کراچی پہنچیں گے۔
