جنگ کسی ملک کے خلاف نہیں بلکہ کس کے خلاف ہونی چاہیے جان ابراہم نے جوشیلے بیانوں سے سپرہٹ بننے کی کوشش کرنے والے بھارتی اداکاروں کا سارا کھیل ہی خراب کر دیا
ممبئی(مانیٹرنگ ڈیسک) بالی ووڈ کے معروف اداکار جان ابراہم نے کہا ہے کہ جنگ دہشت گردی کے خلاف ہونی چاہیے لیکن کسی ملک کے خلاف نہیں۔بھارتی میڈیا کے مطابق جان ابراہم نے کہا کہ ’میرے خیال میں جنگ کسی مخصوص ملک اور مذہب کے خلاف نہیں ہونی چاہیے بلکہ دہشت گردی کے خلاف لڑنا چاہیے اس معاملے میں میرا موقف واضح ہے کیوں کہ میں اْن اداکاروں کی طرح نہیں ہوں جو کہتے ہیں
کہ پتہ نہیں یہ بیان عوام کو اچھا لگے گا یا بْرا۔جان ابراہم نے یہ بھی کہا کہ ہمیں اس معاملے کو یہی ختم کرنے کی ضرورت ہے ہمیں روایتی لوگوں میں ڈھل کر دوسرے ملک سے لڑائی مول نہیں لینی چاہیے، مسئلہ یہ ہے کہ پوری دنیا میں یہی ہورہا ہے، ہم شدت پسندی کی جانب جارہے ہیں۔
