لاہور: نامور اداکارہ و ماڈل صبا قمر نے کہا ہے کہ خود کو سمارٹ رکھنے کیلئے روزانہ جم جاتی ہوں اور واک کرتی ہوں ،اگر شوبزمیں کامیابی حاصل کرنی ہے تو اس کے لئے خود کو فٹ رکھنانا گزیر ہے ۔ایک انٹرویو میں صبا قمر نے کہا کہ میں روزانہ جم جاتی ہوں اورپروفیشنل ٹرینر کی زیر نگرانی دو گھنٹے تک مختلفایکسرسائزز کرتی ہوں ، روزانہ کی واک کرنا بھی میرامعمول ہے جس سے آپ جسمانی تندرستی کے ساتھ ذہنی طو رپر بھی تروتازہ رہتے ہیں ۔ انہوںنے کہاکہ اگر آپ خود کو فٹ نہیںرکھیںگے تو آپ کی
شوبزمیں کوئی جگہ نہیں ۔دوسری جانب نامور اداکارہ زارا اکبرنے کہا ہے کہ شوبزکی دنیا حاسدین اور منافقوںکا گڑھ ہے،جولوگ منہ پر آپ کی تعریفوں کے پل باندھ رہے ہوتے ہیں آ پ کے جانے کے بعد وہی لوگ آپ کی برائیاں اور سازشیں شروع کر دیتے ہیں ،اداکارائوں کو اپنے عروج میں اس سے الگ ہوجانا چاہیے ۔ ایک انٹر ویو میں زارا اکبرنے کہا کہ یہ درست ہے کہ شوبزمیں چڑھتے سورج کی پوجا کی جاتی ہے،عروج ہوتا ہے تواپنے پرائے سب آنکھوں پر بٹھاتے ہیں لیکن زوال آتاہے تویہی لوگ ایسا رویہ رکھتے ہیں جیسے کوئی جان پہچان نہ ہو ۔ انہوں نے کہا کہ میں نے عروج کے دنوںمیں تھیٹرکو خیر باد کہہ کر لندن میںقیام کر لیا ہے ۔ فنکاروں کویہ بھی نصیحت ہے کہ اپنے بڑھاپے کے لئے کچھ نہ کچھ وسائل ضرور جمع کر لیں بعد میں کوئی پوچھتا نہیں۔ انہوں نے کہا کہ مجھے یقین ہے کہ میری آنے والی لوسٹوری فلم ’’ دیوانہ ‘‘ میرے پرستاروں کو ضرور پسند آئے گی ۔اس فلم میں ماڈل و اداکار عدنان خان نے مرکزی کردار نبھایا ہے اور اس فلم کے ہدایتکار شفیق الرحمان قمر ہیں۔
