راولپنڈی (مانیٹرنگ ڈیسک) آپریشن رد الفسار کے سلسلے میں پاکستانی سکیورٹی فورسز کے ملک گیر آپریشنز کا سلسلہ جاری ہے جس میں بھرپور کامیابیاں حاصل کی جا رہی ہیں۔ سیکورٹی فورسز نے شمالی وزیرستان میں دہشتگردوں کی طرف سے بچھائی گئی بارودی سرنگوں کو صاف کرنے کی مہم کے دوران بھاری مقدار میں اسلحہ اور بارود برآمد کر لیا۔ اتوار کو پاک فوج کی شعبہ تعلقات عامہ آئی ایس پی آر کے مطابق یہ اسلحہ اور بارود جنوبی وزیرستان کے علاقوں نانکئی، راغ زئی، چار گولائی ،گورگولائی اور گورگورائی ظفر خیل سے برآمد کئے گئے ہیں۔ اسلحہ اور بارود

میں 82 ایم ایم کے مارٹر گولے، لائٹ مشین گنز، دھماکہ خیز مواد، آر پی جی 7، سب مشین گنز، 303 رائفلز، دستی بم، ٹیکن شکن بارودی سرنگیں ، مختلف اقسام کے اسلحہ اور ہتھیاروں کی بھاری مقدار شامل ہے۔ یہ کارروائی جاری آپریشن رد الفساد کا حصہ ہے۔