Friday April 12, 2024

عمران خان پھنس گئے ہیں، یہ چیز ان کے گلے پڑ گئی ہے۔۔کپتان کے سب سے بڑے اتحادی شیخ رشیدنے ایسی بات کہہ ڈالی کہ تحریک انصاف کے کیمپ میں مایوسی کی لہر دوڑ گئی

اسلام آباد(مانیٹرنگ ڈیسک )عوامی مسلم لیگ کے سربراہ شیخ رشید احمد نے کہا ہے کہ لودھراں الیکشن عمران خان کے گلے پڑگیا ہے،عمران خان کی گاڑی کولودھراں میں بڑاجھٹکا لگاہے، نوازشریف کی سیاسی گاڑی چھوٹ چکی ہے مگر عام انتخابات میں پنجاب میں مسلم لیگ ن اور پی ٹی آئی کامقابلہ ہوگا۔انہوں نے نجی ٹی وی سے گفتگو کرتے ہوئے

کہاکہ شریف برادران سردیوں میں بجلی اور گرمیوں میں گیس جبکہ باقی مہینے دھواں دیتے ہیں۔جوآدمی ملک ،عدلیہ اور آرمی کوبراکہے اس کوغدار نہ کہیں توکیاکہاجائے۔انہوں نے کہا کہ چودھری بردرا ن مشاہد حسین سید کوجنرل سیکرٹری کے عہدے سے ہٹانے کیلئے تیارنہ تھے۔اسی لیے میں نے عوام مسلم لیگ بنائی تھی۔سینیٹ میں منڈیاں لگی ہوئی ہیں۔یہ بھی منڈی ہے کہ لوٹے مشاہد حسین کوراتوں رات سینیٹ کاٹکٹ دیاگیا۔جس نے بھی سینیٹ الیکشن میں خریدوفروخت کی منڈی لگائی وہ جمہوریت کادشمن ہے۔انہوں نے کہاکہ سپریم کورٹ نے درست فیصلہ دیاعمران خان کی بات سے اتفاق نہیں کرتا۔شیخ رشید نے کہاکہ عام انتخابات میں پنجاب میں مسلم لیگ ن اور پی ٹی آئی کامقابلہ ہوگا۔انہوں نے کہاکہ لودھراں جلسے میں شریف فیملی کااکٹھا ہونامشن تھا کہ ہم ایک ہیں۔یہ ڈبل شاہ کی سیاست ہے۔انہوں نے کہاکہ نوازشریف کی سیاسی گاڑی چھوٹ چکی ہے۔آج نہیں توکل حادثہ ہوگا۔شیخ رشید نے مزید کہاکہ عمران خان کی گاڑی کولودھراں میں بڑاجھٹکا لگاہے لودھراں الیکشن عمران خان کے گلے پڑگیاہے۔

FOLLOW US