فیصل آباد دو روز قبل زلزلے کے شدید جھٹکوں نے وفاقی دارالحکومت اسلام آباد سمیت ملک بھر کو لرزا دیا ۔ فیصل آباد کالج میں معروف مذہبی اسکالر مولانا طارق جمیل لیکچر دے رہے تھے کہ دوران لیکچر ہی زلزلے کے جھٹکے محسوس ہوئے جس پر پاس بیٹھے ایک شخص نے مولانا طارق جمیل کو زلزلے کے جھٹکوں سے متعلق مطلع کیا ۔ مولانا طارق جمیل بیان
دیتے دیتے رُک گئے اور کہا کہ ہم جو کام کررہے ہیں اس سے زلزلہ رُک جائے گا انشا اللہ جس کے بعد انہوں نے لاالہ الا انت سبحنک انی کنت من الظالمین کا ورد کرنا شروع کردیا۔ مولانا طارق جمیل نے حاضرین سے کہا کہ اللہ کبھی کبھی زمین ہلاتا ہے تاکہ انسان سدھر جائے اور اپنا ایمان نہ بیچو۔ انہوں نے کہا کہ جو زلزلہ آگے آنے والا ہے ہمیں اس کی فکر کرنی چاہئیے۔
