لاہور (مانیٹرنگ ڈیسک) پاکستان تحریک انصاف کی قیادت نے مسلم لیگ (ق) کے سربراہ چوہدری شجاعت حسین‘ مسلم لیگ (ق) کے رہنما چوہدری پرویز الٰہی اور مونس الٰہی نے ملاقات کر کے پنجاب میں وزیراعلیٰ‘ سپیکر اور ڈپٹی سپیکر کے انتخاب پر مشاورت کی۔ اتوار کو پاکستان تحریک انصاف کے رہنمائوں جہانگیر ترین اور علیم خان نے چوہدری شجاعت حسین‘ چوہدری پرویز الٰہی اور مونس الٰہی سے ملاقات کی۔
ملاقات میں میں پنجاب میں وزیراعلیٰ‘ سپیکر اور ڈپٹی سپیکر کے انتخاب پر مشاورت ہوئی۔ ملاقات میں اراکین سے رابطوں اور 14اگست کو پارلیمانی پارٹی کے اجلاس سے متعلق بھی تبادلہ خیال ہوا۔