اسلام آباد (مانیٹرنگ ڈیسک) پاکستان تحریک انصاف کی جانب سے قومی اسمبلی کا الیکشن لڑنے والے امیدواروں کی فہرست جاری کردی ہے ۔ اس فہرست میں سیالکوٹ سے پاکستان تحریک انصاف کی خاتون رہنما ڈاکٹر فردوس عاشق اعوان کا نام شامل نہیں ہے ۔ نجی ٹی وی چینل 92نیوز سے خصوصی گفتگو کرتے ہوئے ڈاکٹر فردوس عاشق اعوان کا کہنا ہے کہ مجھے ٹکٹ کا مسئلہ نہیں ہے ۔ میرا ٹکٹ فائنل ہے۔ٹکٹ کا مسئلہ میرے نیچے صوبائی حلقوں کا ہے ۔ انھوںنے کہا ہے کہ میرے حلقے کے علاوہ 40حلقوں پر ٹکٹ کا فیصلہ ابھی باقی ہے ۔ فردوس عاشق اعوان کا کہنا ہے
کہ میں تحریک انصاف کے خواتین کی پانچ فیصد نشستوں پر براہ راست انتخاب کےکوٹے کےلئے بھی دستیاب ہوں ۔ انھوں نے کہا ہے کہ میں ذاتی طور پر عمران خان کی شکر گزار ہوں ۔