ملتان: زرتاج گل کے شوہر کو دل کا دورہ ، انتہائی نازک حالت میں ہسپتال لایا گیا مگر۔ وزیر مملکت برائے موسمیاتی تبدیلی زرتاج گل کے شوہر اور تحریک انصاف کے رہنما اخواند ہمایوں رضا کو دل کا دورہ پڑا ہے۔انہیں انجیو گرافی کے بعد بند شریان میں اسٹنٹ ڈال دیا گیا ہے۔ گزشتہ روز وزیر موسمیاتی تبدیلی زرتاج گل کے شوہر کو اچانک دل کا دورہ پڑا تھا جنہیں فوری طور پر ٹیچنگ ہسپتال ڈی جی خان لایا گیا وہاں پر ابتدائی طبی امداد کے بعد انہیں کارڈیالوجی انسٹیٹیوٹ ملتان داخل کیا گیا جہاں اینجیو گرافی میں دل کی ایک شریان بند ہونے کے باعث آپریشن کرکے سٹنٹ ڈالا گیا۔ واقعے کی اطلاع ملتے ہی زرتاج گل فوری طور پر اسلام آباد سے ملتان پہنچ گئی۔انہوں نے بتایا کہ آپریشن کے بعد ان کے شوہر کی حالت خطرے سے باہر ہے تاہم ابھی بھی وہ ہسپتال میں زیر علاج رہیں گے۔
ٹی ٹونٹی ورلڈکپ: پاک بھارت میچ والے دن ثانیہ مرزا کا سوشل میڈیا سے دو رہنے کا اعلان
آئی ایم ایف کی پاکستان کو 300ارب سے زائد سیلز ٹیکس چھوٹ، سبسڈیز ختم کرنے کی تجویز
