لاہور : میری اور حمزہ کی سوچ مختلف ہوسکتی ہے ہم دو الگ انسان ہیں، لیکن حمزہ شہباز بہت اچھا انسان ہے خدا کا خوف رکھتا ہے، آرمی چیف کی مدت ملازمت میں توسیع کے معاملے پر ن لیگ میں 2 مختلف بیانیے، مریم نواز نے وضاحت پیش کر دی- تفصیلات کے مطابق مسلم لیگ ن کی نائب صدر مریم نواز نے کہا ہے کہ میری اور حمزہ کی سوچ مختلف ہوسکتی ہے ہم دو الگ انسان ہیں۔
ن لیگ کے ساہیوال ڈویژنل اجلاس سے خطاب کرتے ہوئے مریم نواز نے کہا کہ میرا بھائی حمزہ یہاں موجود ہےاس کیلئے دل سے دعاگو ہوں حمزہ شہبازبہت اچھا انسان ہے ،خدا کا خوف رکھتاہے۔ مریم نواز نے کہا کہ میری اور حمزہ کی سوچ مختلف ہوسکتی ہے ہم دو الگ انسان ہیں پارٹی کےاندر بھی مختلف طرح کی سوچ اور آرا ہوتی ہے لیکن ہم سب متفق ہیں کہ ہمارےگھر،پارٹی کاسربراہ نوازشریف ہے۔
برطانوی عدالت نے شہباز شریف اور ان کے خاندان کو منی لانڈرنگ کے الزامات سے بری کردیا
