وزیر اعظم عمران خان ٹویٹر پر سب سے زیادہ فالورز رکھنے والے پاکستانی سیاستدان بن گئے۔۔ٹویٹر فالورز کی تعداد14 ملین ہوگئی

   
   

اسلام آباد : وزیراعظم عمران خان سماجی رابطے کی ویب سائٹ ٹویٹر پر سب سے زیادہ فالور رکھنے والے پاکستانی سیاستدان بن گئے۔آزاد کشمیر انتخابات میں کامیابی حاصل کرنے کے بعد عمران خان نے ٹویٹر پر بھی مقبولیت کے جھنڈے گاڑھ دئیے۔وزیراعظم پاکستان کو مائیکرو بلاگنگ سائٹ ٹویٹر پر 14 ملین صارفین نے فالو کیا جس کے بعد وہ پاکستان کے پہلے سیاستدان بن گئے ہیں جن کے ٹویٹر پر 14 ملین فالورز ہیں۔ وزیراعظم کے ٹویٹر اکاؤنٹ کی طرف نظر دوڑائی جائے تو وہ اپنے اکاؤنٹ پر سیاسی امور اور ملکی صورتحال کی تازہ ترین تفصیلات سے عوام کو آگاہ کرتے نظر آئے ہیں۔اس حوالے سے سینیٹر فیصل جاوید نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ٹویٹر پر وزیراعظم عمران خان کے فالورز کی تعداد 14 ملین سے عبور کر چکی ہے ،یہ اعزاز پاکستان سیاستدانوں میں صرف عمران خان کو حاصل ہے۔

غیرقانونی طور پر پاکستان میں مقیم افراد کو 14 اگست تک ملک چھوڑنے کی ہدایت

انہوں نے مزید کہا کہ عمران خان کی مقبولیت میں اضافہ ہو رہا ہے اور ان کا شمار ٹویٹر پر سب سے زیادہ فالو کیے جانے والے عالمی رہنماؤں میں ہوتا ہے۔ ٹویٹر کے علاوہ وزیراعظم عمران خان کے دیگر سوشل میڈیا پلیٹ فارمز پر بھی اکاؤنٹ موجود ہیں۔ جن میں انسٹاگرام، فیس بک بھی شامل ہیں۔وزیراعظم عمران خان کے فیس بک پیج سے اُن کے سرکاری دوروں یا تقریبات کے حوالے سے ویڈیوز اور تصاویر شیئر کی جاتی ہیں۔ جنہیں صارفین نہ صرف پسند کرتے ہیں بلکہ اُسے سیکڑوں لوگ شیئر بھی کرتے ہیں۔یاد رہے کہ وزیراعظم عمران خان نے جب سے وزارتِ عظمیٰ کا منصب سنبھالنے کے بعد مختلف بڑے اقدامات کیے، جنہیں دنیا بھر میں بہت زیادہ پذیرائی بھی ملی، علاوہ ازیں بطور کرکٹر بھی اُن کی عالمی شہرت کسی سے ڈھکی چھپی نہیں ہے۔یہاں یہ بات بھی واضح کرنا ضروری ہے کہ پاکستان میں کسی اور سیاست دان کی سوشل میڈیا میں اتنی بڑی تعداد میں فالوونگ نہیں ہے۔

آزاد کشمیر انتخابات، پی ٹی آئی نے فتح کے جھنڈے گاڑتے ہوئے 13نشستیں حاصل کر لیں

وزیراعظم عمران خان کے علاوہ تحریک انصاف کے تمام پلیٹ فارمز پر علیحدہ اکاؤنٹس موجود ہیں جبکہ وزیراعظم ہاؤس کے اکاؤنٹس کا تعلق بھی بالکل علیحدہ ہیں، جن کو لاکھوں کی تعداد میں صارفین فالو کررہے ہیں۔وزیراعظم عمران خان کو نہ صرف پاکستان میں پسند کیا جاتا ہے، بلکہ دنیا بھر میں اُنہیں اُن کی کرکٹ اور پُرکشش شخصیت کی وجہ سے پسندیدگی کی سند سے نوازا جاتا ہے، تاہم اُن کی حکومت میں ملک کی خراب معاشی صورتحال اور مہنگائی میں اضافے کی وجہ سے پاکستانی عوام اُنہیں تنقید کا نشانہ بھی بنا رہے ہیں۔ البتہ باوجود عوامی تنقید کے وزیراعظم عمران خان سوشل میڈیا پر پسند کی جانے والی شخصیت میں نمایاں ہیں۔




اس وقت سب سے زیادہ مقبول خبریں


تازہ ترین خبریں
پاکستان گرے لسٹ میں برقرار ، ترکی کو کس فہرست میں ڈال دیا گیا؟ فیٹف اجلاس سے بڑی خبر آگئی
فرانسیسی سفیر کو نکالا تو یورپی یونین سے دور ہوجائیں گے، فرانسیسی سفیر کو نکالنے سے پاکستان اور یورپی یونین کے تعلقات کشیدہ ہوجائیں گے
اب پاک فوج میں اعلیٰ عہدوں پرتقرریاں وزیراعظم کی مرضی کے بغیر نہیں ہو سکتیں، حکومت نے فوج سے متعلق بڑا فیصلہ کر لیا
سپریم کورٹ کا خورشید شاہ کو رہا کرنے کا حکم فی الحال خورشید شاہ کو مزید قید رکھنے کا جواز نظر نہیں آتا۔
باجوڑ میں بارودی سرنگ کا دھماکہ، 4 سکیورٹی اہلکار شہید
پاکستان کے اہم شہر میں زوردار دھماکہ، متعدد شہادتوں کی اطلاعات آگئیں

سپورٹس
رمیز راجہ بطور چیئرمین پی سی بی کتنی تنخواہ لے رہے ہیں؟
کیا ر وہت شرما زخمی ہو گئے ،وارم اپ میچ میں وہ بغیر آوٹ ہوئے پویلین کیوں لوٹے ؟ جانئے
ویسٹ انڈیز کیخلاف پاکستانی ٹیم کی بیٹنگ کے دوران بھارتی ٹیم بھی گرائونڈ میں پہنچ گئی اور پھر ۔ ۔ ۔
ٹی ٹونٹی ورلڈ کپ کوالیفائنگ رائونڈ، سکاٹ لینڈ نے بنگلہ دیش کو اپ سیٹ شکست دیدی
12 سالہ پاکستانی بچے نے بھارت کے بڑے کھلاڑی کا ورلڈ ریکارڈ توڑدیا۔ہر پاکستان کا سر فخر سے بلند کردیا
ٹی ٹونٹی ورلڈکپ: پاک بھارت میچ والے دن ثانیہ مرزا کا سوشل میڈیا سے دو رہنے کا اعلان

Copyright © 2020 DailyQaim. All Rights Reserved | Privacy Policy