اسلام آباد ( مانیٹرنگ ڈیسک) وفاقی دارالحکومت اسلام آباد میں پولیس کی کارکردگی پر سوالیہ نشان ، آئی جی اسلام آباد کے دعوے دھرے کے دھرے رہ گئے، تحریک انصاف یونین کونسل کے چیئرمین ملک رفیق قاتلانہ حملے میں بال بال بچ گئے۔تفصیلات کے مطابق نامعلوم افراد نے چیئرمین ملک رفیق کے گھر پرحملہ کردیاجس کے نتیجے میں چیئرمین یونین کونسل ملک رفیق زخمی ہو گئے جن کو ہسپتال منتقل کردیاگیا،حملے کے دوران ایک شخص کو اہلخانہ نے پکڑ لیا، باقی نامعلوم افراد فرار ہوگئے ۔ نامعلوم حملہ آور کو اہل خانہ نے پولیس کے حوالے کر دیا ،پولیس کاکہناہے کہ نامعلوم افراد کو گرفتار کرنے کیلئے تفتیش جاری ہے، حملہ آور کی گھر میں داخل ہونے کی سی سی ٹی وی فوٹیج بھی سامنے آگئی۔
