اسلام آباد(نیوز ڈیسک) پی ٹی آئی حکومت کے لیے بڑا چیلنج، فواد چوہدری کی نااہلی کیس کی سماعت کی تاریخ مقرر کر دی گئی، تفصیل جانیئے، ہائی کورٹ میں وفاقی وزیر سائنس اینڈ ٹیکنالوجی فواد چوہدری کی نا اہلی کا کیس سماعت کے لیے مقرر کردیا گیا ہے۔ذرائع کے مطابق اسلام آباد ہائی کورٹ کے رجسٹرار آفس نے آئندہ ہفتے کے لیے کاز لسٹ جاری کر دی ہے جس کے تحت وفاقی وزیر سائنس اینڈ ٹیکنالوجی فواد چوہدری کی نا اہلی کا کیس سماعت کے لیے مقرر کردیا گیا ہے۔ کیس کی سماعت 16 نومبر کو اسلام آباد ہائی کورٹ کے چیف جسٹس اطہر من اللہ کریں گے۔
واضح رہے کہ سمیع اللہ ابراہیم نے اسلام آباد ہائی کورٹ میں دائر درخواست میں فواد چوہدری پر اثاثے چھپانے کا الزام عائد کیا گیا ہے، درخواستر گزار کا موقف ہے کہ فواد چوہدری نے جہلم کی زمین کو گوشواروں میں ظاہر نہیں کیا، وہ صادق اور امین نہیں رہے، اس لئے انہیں آئین کے آرٹیکل 62 (ون) ایف کے تحت نااہل قرار دیا جائے۔
