میکسیکو سٹی(مانیٹرنگ ڈیسک) سینکڑوں کی تعداد میں لوگوں کو قتل کرنےکے جرم میں گرفتار دنیا کے کا مشہور ترین کلر نے اپنے ہی ہاتھوں سے بنائی ہوئی اجتماعی قبر کا انکشاف کیا ہے۔میکسیکو میں اجتماعی قبر سے 240افرادکی لاشیں برآمد کر لی گئیں غیرملکی خبررساں ادارے کے مطابق مقامی حکام نے یقین ظاہر کیا کہ 2009میں جس

ہولناک اور انسانیت دشمن قاتل کو گرفتار کیا گیاتھا ،اس نے اپنے ہاتھوں ہونے والے قتل عام کی تفصیلات بیان کی ہیں جس کے مطابق سوپ میکر کے نام سے مشہور یہ قاتل 300سے زیادہ افراد کو قتل کرچکا ہے جبکہ حکا م کا کہناتھا کہ تیجوانا کے ایک علاقے سے اجتماعی قبر دریافت ہوئی ہے اس میں مجموعی طور پر 240افراد کی باقیات دفن ہیں۔ لوپیز کو 2009میں جب گرفتار کیا گیا تھا تو پوری دنیا میں سنسنی پھیل گئی تھی کیونکہ اس نے اتنے زیادہ لوگوں کو موت کے گھاٹ اتارا تھا کہ سننے والوں کے رونگٹے بھی کھڑے ہوجاتے تھے۔ کہا جاتا ہے کہ جس علاقے میں یہ سرگرم تھا وہاں علاقے کے جرائم پیشہ گروہ کی طرف سے 300افراد کو سزائے موت سنائی گئی تھی اور اس سزا پر عمل کرانے کی ذمہ داری لوپیز نے لے لی تھی۔ اسکا کہناتھا کہ وہ لوگوں کو قتل کرنے کے بعد تیزا ب کے ڈرم میں انکی باقیات ڈال کر انہیں گلاتا تھا اور اسکے بعد ہڈیوں کو زیر زمین دفن کردیتا تھا جبکہ جو پانی بچ جاتا تھا اسے نالوں اور گٹر میں بہا دیا جاتا تھا۔ اب تک اس علاقے میں تقریبا200کلو گرام انسانی ہڈیاں اور 16500لیٹر کے قریب انسانی فضلہ برآمد کیا۔ جس علاقے سے یہ سب چیزیں برآمد ہوئی ہیں وہ ریاست میکسیکو کے باجا کیلیفورنیا علاقے میں واقع ہیں او راس علاقے کو چکن کواپ کہا جاتا ہے۔اس جرائم پیشہ گروہ نے جن لوگوں کو سزائے موت کا حکم سنایا تھا وہ منی لانڈرنگ، منظم جرائم اور منشیات کی بین الاقوامی اسمگلنگ میں ملوث تھے۔