سنگاپور : اس بات کا قوی امکان ہے کہ 10سال بعد پاکستان میں اس سال ٹیسٹ کرکٹ واپس آرہی ہے، ملکی میدانوں میں ٹیسٹ سیریز وہی ملک کھیلے گا جس کے کھلاڑیوں پر لاہور میں دہشت گردحملہ کیا گیا تھا۔سنگاپور میں ایشین کرکٹ کونسل اجلاس کی سائیڈ لائن پر پاکستان نے اکتوبر میں سری لنکا کے خلاف سیریز کے دونوں ٹیسٹ کراچی اور لاہور میں کرانے کی خواہش ظاہر کی ہے اور کرکٹ سری لنکا سے کہا ہے کہ وہ اپنے سکیورٹی وفد کو پاکستان بھیجے جہاں اسے سکیورٹی

پر پریزنٹیشن دی جائے گی،پی سی بی پر امید ہے کہ اس سیریز کے ساتھ ہی پاکستان میں ٹیسٹ کرکٹ کی بھی واپسی ہوجائے گی،سری لنکا دس بعد پاکستان میں ٹیسٹ میچ کھیلنے والی پہلی ٹیم بن جائےگی۔ پی سی بی کا کہنا ہے کراچی اور لاہور میں سری لنکا کے سکیورٹی ماہرین کو بریفنگ دی جائے گی۔ سری لنکن حکام کو بتایا جائے گا کہ انہیں پاکستان میں کس معیار کی سکیورٹی فراہم کی جائے گی۔2009ءمیں لاہور میں سری لنکا ٹیم پر حملے کے بعد سری لنکا کی ٹیم لاہور میں ایک ٹی ٹونٹی انٹر نیشنل کھیلے گی۔کرکٹ سری لنکا کے حکام اپنے ملک جاکر سکیورٹی وفد کو پاکستان بھیجنے کا فیصلہ کریں گے اور تاریخوں سے پی سی بی کو آگاہ کیا جائے گا۔مارچ 2009ءکے بعد سے پاکستان نے تمام ٹیسٹ میچ بیرون ملک کھیلے ہیں۔