اسلام آباد(نیوزڈیسک) وزیراعظم عمران خان نے فاٹا اور پاٹا کے خیبر پختونخوا میں انضمام کی راہ میں حائل رکاوٹوں اور سہولتوں کی نشاندہی کیلئے ٹاسک فورس کے قیام کی منظوری دیدی ہے۔جمعرات کو جاری نوٹیفکیشن کے مطابق وزیراعظم کے مشیر برائے اسٹیبلشمنٹ ٹاسک فورس کے کنوینئر ہوں گے جبکہ وفاقی سیکرٹری سیفران ٹاسک فورس میں سیکرٹری کے فرائض سرانجام دینگے۔دیگر حکام میں گورنر خیبر پختونخوا ، وزیراعلیٰ

خیبرپختونخوا،، وفاقی وزیر مذہبی امور نور الحق قادری، سینیٹر ہدایت اللہ خان، چیف سیکرٹری خیبر پختونخوا ، ایڈیشنل چیف سیکرٹری فاٹا،، ڈائریکٹوریٹ آف ملٹری آپریشن ، جی ایچ کیو کے نمائندہ، الیون کور پشاور کے نمائندہ اور حبیب اللہ خان شامل ہیں۔