لاہور (نیوزڈیسک)پاکستان تحریک انصاف کے چیئرمین عمران خان نے کارکنوں کو پیغام جاری کرتے ہوئے کہاہے کہ وہ آج رات جلد سو جائیں اور صبح جلدی اٹھیں ۔تفصیلات کے مطابق کل ملک بھر میں عام انتخابات ہونے جارہے ہیں اور اس حوالے سے تمام سیاسی جماعتیں اپنے کارکنوں کو ووٹرز کو گھروں سے نکالنے اور پولنگ بوتھ تک پہنچانے سمیت
دیگر چیزوں پر حکمت عملی سے آگاہ کر رہے ہیں اور اسی حوالے سے عمران خان نے بھی تحریک انصاف کے کارکنوں کیلئے اہم پیغام جاری کر دیاہے ۔چیئرمین تحریک انصاف کا کہناتھا تھا کہ تحریک انصاف کے کارکنان اور خصوصاً ہمارے پولنگ ایجنٹس آج رات جلد سونے کی کوشش کریں تاکہ خوب تازہ دم ہو کر کل پوری حاضر دماغی سے انتخابی عمل پر نگاہ رکھیں اور تاریخ رقم کریں ۔
