اسلام آباد(مانیٹرنگ ڈیسک)سابق وزیر اعظم میاں نوازشریف کے داماد کیپٹن (ر)صفدرکے حوالے سے انتہائی تشویشناک خبر آگئی ۔اڈیالہ جیل میں قید کیپٹن (ر)صفدر کی طبیعت اچانک خراب ہو گئی ہے ۔ نجی ٹی وی چینل نے اپنی رپورٹ میں دعویٰ کیا ہے کہ کیپٹن (ر)صفدر کی طبیعت اچانک بگڑ گئی ہے۔ جس کے بعد ڈسٹرکٹ ہیڈ کوارٹر ہسپتال کی ٹیم ہنگامی طور

پر اڈیالہ جیل پہنچ گئی ہے جبکہ ریسکیو1122 کی ایمبولینس کو بھی اڈیالہ جیل منگوا لیا گیا ہے۔ جیل ذرائع نے بتایا ہے کہ ڈاکٹروں کی ٹیم کیپٹن (ر)صفدر کا طبی معائنہ کررہی ہے۔ اور ان کی تجویز کو کیپٹن (ر)صفدر کو ہسپتال بھی منتقل کیا جا سکتا ہے۔ واضح رہے کہ ایون فیلڈ ریفرنس کے فیصلے میں کیپٹن (ر)صفدر کو ایک سال قید بامشقت سنائی گئی ہے۔