اسلام آبا د(مانیٹرنگ ڈیسک) صحافیوں کےلیے بنی گالہ بھی ایک مشکل جگہ بن گئی ۔ مقامی اخبار کے فوٹو گرافر کو عمران خان کی بنی گالہ میں قائم رہائشگاہ میں وحشیانہ تشدد کا نشانہ بنا دیا گیا ۔ تفصیلات کے مطابق ایک مقامی اخبار کا فوٹو گرافر بنی گالا میں عمران خان کی رہائش گاہ میں جانے لگا تو سیکورٹی سٹاف نے اسے رو ک دیا جس پر اس نے اپنا کارڈ دکھایا لیکن اس کے باوجود اسے مارتے پیٹتے ہوئے اس کے کپڑے پھاڑ دیے گئے۔ بعد ازا ں اس نے اپنے ساتھ پیش آئے واقعے کی شکایت عمران خان سے بھی کی ۔ صحافتی حلقوں نے مذکورہ صورتحال کوتشویشناک قرار دیتے ہوئے اس کی مذمت کی ہے۔