اسلام آباد (مانیٹرنگ ڈیسک) پاکستان مسلم لیگ (ن )کے رہنما اور سابق وزیر اعظم میاں نواز شریف کے داماد کیپٹن ریٹائرڈ محمد صفدر نے کہا ہے کہ پہلے آئین کو توڑا جا رہا تھا، اب اس سے کھیلا جا رہا ہے۔ احتساب عدالت میں صحافیوں سے گفت گو کرتے ہوئے انہوں نے کہا کہ 25جولائی کو بڑی عید ہو گی، جب ہم نظام بدلنے کے لیے نکلیں گے۔کیپٹن صفدر نے کہا کہ قائد اعظم نےپاکستان بنایا تھا۔ہم نظام آزاد کرائیں گے، بابائے قوم نے ہمیں ملک آزاد کر کے دیا تھا ٗ ہم نظام آزادکرنے جا رہے

ہیں۔ سابق صدر پرویز مشرف کی وطن واپسی کے متعلق انہوں نے کہا کہ اوّل تو مشرف بزدل انسان ہے وہ آئیں گے نہیں، آئے تو نظریہ ضرورت پیدا ہوگا۔کیپٹن ریٹائرڈ صفدر نے کہا کہ میں اْن لوگوں کوکہنا چاہ رہا ہوں کہ آئین کیساتھ نہ کھیلا جائے۔