لاہور: پاکستان مسلم لیگ(ن) کی نائب صدر مریم نواز کے بیٹے جنید صفدر کی شادی کی تقریبا ت کا سلسلہ جاری ہے،میڈیا اور سوشل میڈیا پر دلہن سے زیادہ مریم نواز کے ڈریسز کے چرچے ہیں۔اب یہ دعویٰ سامنے آیا ہے کہ مریم نواز کے ڈریسز بھارتی ڈیزائنر ابھینومشرا نے ڈیزائن کیے ہیں۔مریم نواز کو اپنے بیٹے جنید صفدر کی شادی میں مختلف قسم ڈریسز ساڑھی، لہنگا وغیرہ پہنے ہوئے دیکھا گیا جس پر ان کی خوب تعریف کی جارہی ہے۔سیاسی مخالفین کی جانب سے جہاں ان پر تنقید ہورہی ہے وہیں ان کی ڈریسنگ سینس کو سراہا بھی جارہا ہے۔ برطانوی نشریاتی ادارے بی بی سی کے مطابق مریم نواز کے ڈریس بھارتی ڈیزائنرابھینوا مشرا نے تیار کیے۔مریم نواز کی ٹیم نے ابھینوا مشرا سے انسٹا گرام پر رابطہ کیا تھا جس کے بعد ان میں ٹیلی فونک رابطہ بھی ہوا۔ابھینوا مشرا کاکہنا ہے کہ مریم نواز کے ڈریسزایرانی، لکھنو اور ترک کلچر کا امتزاج ہیں،ہمیں ان کے ڈریس تیار کرنے پر ابھی تک کافی مثبت ردعمل ملا ہے۔
