لندن : ملک ریاض اور ان کے بیٹے علی ریاض سے متعلق بری خبر سامنے آئی ہے۔برطانوی عدالت نے کرپشن میں ملوث ہونے پر بحریہ ٹاؤن کے مالک ملک ریاض اور ان کے بیٹے علی ریاض ملک کے ویزے منسوخ کر دیے ہیں۔برطانوی امیگیریشن حکام کی جانب سے کرپشن چارجز کی بنا پر ملک ریاض کا ویزہ کینسل کر دیا تھا، جس کی بنا پر ملک ریاض نے اپیل دائر کی تھی تاہم اب برطانوی عدالت نے کہا ہے کہ وہ ان پر لگائے گئے کرپشن اور جعل سازی کے الزامات سے سہمت ہیں اس لیے ملک ریاض سمیت ان کے تمام خاندان کا 10 سالہ ملٹی انٹری ویزا منسوخ کرنے کا فیصلہ کیا گیا ہے۔برطانوی خاتون جج نکولس ڈیوئیس نے اپنے فیصلہ سناتے ہوئے لکھا کہ ملک ریاض اور ان کے صاحبزادے پر کوئی کریمنل مقدمہ نہیں ہے تاہم وہ ان پر لگے کرپشن، جعل سازی اور مالی بے ضابطگیوں کے الزامات سے سہمت ہیں۔اس لیے برطانیہ سے ان کا اخراج ان کے طرز عمل، کردار کے باعث عوامی بھلائی کے لیے سازگار ہے۔
صحافی کوثر کاظمی کے مطابق شہزاد اکبر نے برطانیہ میں جاکر ملک ریاض کی پراپرٹی کے معاملے کو حل کیا کہ وہ پیسا برطانیہ میں ہی منجمد نہ ہوجائے بلکہ اس کو پاکستان میں لایا جائے۔ اس میں وزیراعظم عمران خان کے معاون خصوصہ شہزاد اکبر دونوں نے ملک ریاض کی مدد کی۔ صحافی کوثر کاظمی کے مطابق شہزاد اکبر نے برطانوی کرائم ایجنسی کی واپس کی گئی رقم ملک ریاض کو واپس کر دی تھی۔خیال رہے کہ ملک ریاض پر برطانیہ میں سخت کرپشن چارجز کا سامنا تھا جس کے بعد نیشنل کرائم ایجنسی نے ملک ریاض کے خلاف تحقیقات کا فیصلہ کیا تھا۔ملک ریاض نے حسن نواز سے ہائڑ پارک پراپرٹی خریدی تھی۔ حسن نواز کو کرائم ایجنسی سے کلین چٹ مل گئی تھی کیونکہ ان کے پاس تمام منی ٹریل کی دستاویزات تھیں مگر ملک ریاض کے پاس موجود نہیں تھیں۔
چٹاگانگ ٹیسٹ، بنگلہ دیش نے دوسری اننگز میں 4 وکٹوں پر 39 رنز بنالیے،شاہین کے 3 شکار
News Source: DailyAusaf
