اسلام آباد : وفاقی وزیر اطلاعات فواد چودھری نے کہا کہ کل سے ٹک ٹاک کو بین کرنے اور نیشنل بینک کے صدر کو ہٹانے کے فیصلے پڑھ کر سر چکرا گیا ہے کہ ہماری عدالتیں کیا کر رہی ہیں ؟۔ فواد چودھری نے سماجی رابطے کی ویب سائٹ ٹویٹر پر لکھا کہ پہلے ہی یہ ملک ایسے جوڈیشل ایکٹوازم کے ہاتھوں اربوں ڈالر کے نقصانات برداشت کر رہاہے۔عدالتی اصلاحات نہ کی گئیں تو ملک اقتصادی بحران سے کبھی باہر نہیں نکل سکے گا ۔ واضح رہے کہ سندھ ہائیکورٹ نے ٹک ٹاک پر 8 جولائی تک پابندی عائد کی ہے جبکہ اسلام آباد ہائیکورٹ نے گزشتہ روز نیشنل بینک کے صدر کو فوری عہدے سے ہٹانے کا حکم دیا تھا۔
عدالتی اصلاحات نہ کی گئیں تو ملک اقتصادی بحران سے کبھی باہر نہیں نکل سکے گا کل سے TikTok کو بین کرنے اور نیشنل بینک کے صدر کو ہٹانے کے فیصلے پڑہ کر سر چکرا گیا ہے کہ ہماری عدالتیں کیا کر رہی ہیں ؟ پہلے ہی یہ ملک ایسے جوڈیشل ایکٹوازم کے ہاتھوں اربوں ڈالر کے نقصانات برداشت کر رہاہے
— Ch Fawad Hussain (@fawadchaudhry) June 30, 2021
اس سے قبل ایک اور ٹویٹ میں فواد چودھری نے مغرب میں اسلاموفوبیا کے بڑھتے واقعات کا ذکر کرتے ہوئے کہا کہ کینیڈا میں چند ہفتے قبل ایک پاکستانی فیملی کو نسل پرستانہ حملے میں شہید کیا گیا ، اب دوبارہ سسکارٹن شہر میں ایک اور پاکستانی نژاد کاشف پر انتہا پسندوں نے حملہ کی اہے ، مغربی معاشرے میں اسلامو فوبیا کے بڑھتے واقعات پر تشویش ہے ، امید ہے ایسے واقعات کیر وم تھام کیلئے موثر اقدامات اٹھائے جائیں گے ۔
