سلام آباد : پاکستان مسلم لیگ ن کے صدر شہباز شریف کو بیرون ملک جانے کی اجازت ملنے پر حکومت کا ردعمل آگیا ، فواد چوہدری کہتے ہیں کہ اربوں روپے کی منی لانڈرنگ میں ملوث شہباز شریف کو باہر جانے کی اجازت دینا قانون کے ساتھ مذاق ہے ، اتنا جلدی فیصلہ تو پنچائیت میں بھی نہیں ہوتا۔ تفصیلات کے مطابق سماجی رابطوں کی ویب سائٹ ٹوئٹر پر جاری کیے گئے اپنے ایک بیان میں وفاقی وزیر برائے اطلاعات و نشریات نے کہا کہ اس طرح سے ان کا فرار ہونا بدقسمتی ہو گی ، اس سے پہلے وہ نواز شریف کی واپسی کی گارنٹی دے چکے ہیں سوال یہ ہے کہ کہ اس گارنٹی کا کیا بنا؟ اربوں روپے کی منی لانڈرنگ میں ملوث شہباز شریف کو باہر جانے کی اجازت دینا قانون کے ساتھ مذاق ہے ، اتنا جلدی فیصلہ تو پنچائیت میں نہیں ہوتا۔
انہوں نے کہا کہ فیصلے کے خلاف تمام قانونی راستے اختیار کریں گے ، ہمارے نظام عدل کی کمزوریوں کی وزیراعظم عمران خان کئی بار نشاندہی کر چکے ہیں لیکن اپوزیشن اصلاحات پر تیار نہیں اور اس کی بڑی وجہ یہ ہے کہ اس بوسیدہ نظام سے ان کے مفاد وابستہ ہیں۔ خیال رہے کہ پاکستان مسلم لیگ ن کے صدر اور اپوزیشن لیڈر محمد شہباز شریف کو لاہور ہائیکورٹ نے بیرون ملک جانے کی اجازت دے دی ، لاہور ہائی کورٹ نے شہباز شریف کا نام بلیک لسٹ سے نکالنے کی درخواست پرفیصلہ سنا دیا ، جس میں لاہور ہائیکورٹ نے ایک بار پھر شہباز شریف کو بیرون ملک جانے کی اجازت دے دی ہے، عدالتی فیصلے میں کہا گیا ہے کہ شہباز شریف کو باہر جانے کی مشروط اجازت 8 مئی سے 5 جولائی تک ہو گی۔
