نئی دہلی(مانیٹرنگ ڈیسک) جنگی جنون میں مبتلا بھارت مکمل طور پر پاگل ہوگیا، پاکستان کو جنگ کی دھمکیاں دینے والے بھارت نے اپنے جنگی جنون کا کھلے عام اظہار کرنا شروع کر دیا ہے۔بھارت نےرات میں جوہری میزائل “اگنی 2” کے کامیاب تجربے کا دعویٰ کر دیا۔قومی اخبار میں شائع ایک رپورٹ کے مطابق بھارت نے رات میں جوہری میزائل “اگنی 2” کا کامیاب تجربہ کرنے کا دعویٰ کیا ہے۔بھارتی میڈیا کے مطابق حکام نے نام ظاہر کرنے کی شرط پر بتایا ہے کہ اڈیسہ کے ساحل سے قریب واقع ڈاکٹر عبدالکلام جزیرے پر رات ساڑھے 7 بجے جوہری صلاحیت کے حامل “اگنی 2” کا تجربہ کیا ہے۔حکام کے مطابق زمین سے زمین پر مار کرنے والا میزائل 1500کلومیٹر دور ہدف کو نشانہ بنانے کی صلاحیت رکھتا ہے۔گذشہ ماہ بھی بھارت کی جانب سے براہموس سوپر سانک میزائل کا

تجربہ کیا گیا تھا۔بھارتی میڈیا کا دعویٰ تھا کہ براہموس سوپر سانک میزائل تجربہ کامیاب رہا۔ بتایا گیا تھا کہ میزائل کا تجربہ بھارتی ریا اڑیسہ میں کیا گیا۔ بھارت نے کچھ عرصہ قبل بھی براہموس سپر سانک میزائل کا تجربہ کیا تھا۔ یہ تجربہ بھارتی ریاست راجھستان میں کیا گیا تھا۔بھارت کا دعویٰ ہے کہ براہموس سپر سانک میزائل ر زمین سے زمین پر مار کر سکتا ہے۔جبکہ اسے سمندر سے آبدوز کے ذریعے بھی داغا جاسکتا ہے۔ واضح رہے کہ بھارت اپنی میزائیل ٹیکنالوجی میں مسلسل اضافہ کررہاہےاورگزشتہ کچھ عرصے سے بھارت کی جانب سے میزائل تجربات میں تیزی آئی ہے جس کی وجہ سے خطے میں ہتھیاروں کی دوڑ میں مزید تیزی آسکتی ہے۔ یہاں یہ بھی واضح رہے کہ بھارت کی تمام تر کوششوں کے باوجود اس وقت پاکستان کا میزائل نظام بھارت کے میزائلوں سے کہیں زیادہ بہتر تصور کیا جاتا ہے۔