انتہائی تشویشناک خبر شہید بابری مسجد کی جگہ مندر بنانے کااعلان کردیا گیا

اندور(آئی این پی) بین الاقوامی ہندوپریشد کے صدر پروین توگڑیا نے بنگلورپریس کلب میں صحافیوں اور ذرائع ابلاغ کے نمائندوں سے بات چیت کرتے ہوئے کہا کہ ان کی نئی پارٹی اقتدار میں آنے کے ایک ہفتے کے اندر اجودھیا میں مندر کی تعمیر کا آغاز کرادیگی۔بدھ کو بھارتی میڈیا کے مطابق انہوں نے الزام عائد کیا کہ بی جے پی مرکز میںاقتدا

ر سنبھالنے کے5سال گزرجانے کے باوجود مندر تعمیر کے سلسلے میں ہندوئوں سے وعدہ خلافی کی ۔ اپنی نئی پارٹی کا نام بتانے سے گریز کرتے ہوئے توگڑیا نے کہاکہ پارٹی کا رجسٹریشن ہوچکا ہے۔دہلی میں 9فروری کو اس کا اعلان کرینگے اور545نشستوں پر پارٹی انتخابات لڑیگی۔انہوں نے کہا کہ اقتدار میں آنے کے بعدکسی بھی مذہب کے خاندان میں 2سے زیادہ بچوں کی پیدائش پر پابندی عائد کردی جائیگی تاکہ ملک کی بڑھتی ہوئی آبادی کو کنٹرول کیا جاسکے۔انہوں نے مزید کہا کہ اگر کسی خاندان میں 2سے زیادہ بچے ہونگے تو انہیں صحت ، تعلیم اور دیگر اسکیموںسے دور رکھا جائیگا۔ایسے بچوں کو نہ تو سرکاری ملازمت دی جائیگی اور نہ ہی انتخابات میں ووٹ ڈالنے کا حق حاصل ہوگا۔