پاکستان کے فائدے کی بات بتا رہا ہوں افغان صدر کا ایسا بیان جاری کہ آپ بھی ان کی تعریف کریں گے
کابل(آئی این پی ) افغان صدر اشرف غنی نے کہا ہے کہ پاکستان کو سمجھناہو گا کہ پر امن افغانستان ان کے مفاد میں ہے، طالبان گروپ انٹرا افغان امن مذاکرات میں شرکت کیلئے تیار رہے، افغانستان پاکستان کے ساتھ امن چاہتا ہے، امن کی کوششوں کے اختیارات کسی باہر والے کو نہیں دیں گے۔طالبان کے ساتھ مذاکرات کے حوالے سے گفتگو کرتے ہوئے افغان صدر اشرف غنی نے کہا کہ طالبان گروپ انٹرا افغان امن مذاکرات میں شرکت کیلئے تیار رہے۔روس افغان حکومت اور طالبان کے درمیان
مذاکرات کی میزبانی کرے گا،اشرف غنی نے کہا کہ طالبان کو ہتھیار چھوڑنا، غیر ملکیوں سے تعلقات توڑنا اور اپنے ملک لوٹنا چاہیے۔انہوں نے مزید کہا کہ امن کی کوششوں کے اختیارات کسی باہر والے کو نہیں دیں گے۔خیال رہے کہ طالبان کے دوحا میں قائم دفتر کے گروپ کے افغان حکومت کے ساتھ مذاکرات 9 نومبر کو روس میں ہونے جا رہے ہیں۔روسی وزارت خارجہ کے مطابق مذاکرات میں پاکستان، چین، بھارت، امریکا اور ایران سمیت سویت یونین کی 5 ریاستوں کو بھی شرکت کی دعوت دی گئی ہے۔
