نوبل انعام یافتہ ملالہ یوسفزئی نے سوشل میڈیا پر لٹریچر سے لگاؤ رکھنے والے اور کتابیں پڑھنے کے شوقین افراد کے لیے ایک اہم پیغام شیئر کیا ہے ۔ملالہ یوسفزئی نے فوٹو، ویڈیو شیئرنگ ایپلیکیشن انسٹا گرام اکاؤنٹ پر ایک اہم پیغام جاری کیا ہے جس میں انہوں نے کتابیں پڑھنے کے شوقین افراد سے مخاطب ہو کر کہا ہے کہ ’اُنہیں ہمیشہ سے ہی پڑھنا اور عمدہ کتابیں اپنے دوستوں کے ساتھ شیئر کرنا بہت اچھا لگتا ہے، اُنہیں فخر ہے کہ وہ کتابوں سے متعلق ایک ویب سائٹ کے ساتھ اپنے پہلے بُک کلب کا آغاز کرنے والی ہیں۔
‘ملالہ یوسفزئی نے اپنے فالوورز سے مخاطب ہوتے ہوئے مزید لکھا ہے کہ ’ اُن کی تجویز کردہ کتابیں جاننے کے لیے بتائی گئی ویب سائٹ کو سائن اِن کریں، ہم مِل کر ممتاز مصنفین کی کتابوں سے متعلق جانیں گے۔‘انہوں نے کہا ہے کہ ’ہم مِل کر خواتین مصینفین کی کتابوں سے متعلق جانیں گے جن میں جرأت مندانہ خیالات اور کہانی سنانے والی خواتین شامل ہیں جو دنیا کو منفرد انداز سے دیکھتی اور لکھتی ہیں۔‘ملالہ کے اس پیغام پر اُن کے فالوورز اور کتابیں بڑھنے کا شوق رکھنے والے افراد کی جانب سے خوشی کا اظہار کیا جا رہا ہے ۔
