اسلام آباد (این این آئی) موبائل ڈیوائس کی رجسٹریشن کے خواہشمند صارفین کی آسانی کیلئے پاکستان ٹیلی کمیونیکیشن اتھارٹی (پی ٹی اے) کی جانب سے ملک بھر میں موبائل کمپنیوں کے فرنچائزز /کسٹمر سروس سینٹروں پر موبائل رجسٹریشن سرو س مہیا کر دی گئی ہے۔ موبائل ڈیوائس رجسٹریشن کے حوالے سے پی ٹی اے ہیڈ کوارٹر اور زونل دفاتر میں یہ سہولت 20 ستمبر 2019بروز جمعہ تک دستیاب رہے گی۔ موبائل کمپنیوں کے تمام فرنچائزز اور کسٹمر سروس سینٹرز کی فہرست https://dirbs.pta.gov.pk/facilitation-centerپرموجود ہے۔ موبائل ڈیوائسزکی رجسٹریشن *8484# پر ایس ایم ایس یا پی ٹی اے کی ویب سائٹ https://dirbs.pta.gov.pk/drs/کے ذریعے بھی کرائی جا سکتی ہے۔ صارفین موبائل ڈیوائس کی تمام آئی ایم ای آئی (ڈوول سم) رجسٹرڈ کرائیں۔عوام کو اس حوالے سے مطلع کیا جاتا ہے کہ ہمیشہ پی ٹی اے اپرووڈ موبائل ڈیوائس خریدیں۔