برسٹل : انگلینڈ میں جاری آئی سی سی کرکٹ ورلڈ کپ مقابلوں میں آج پاکستان اور سری لنکا کا آمنا سامنا ہوگا تاہم میچ سے قبل برسٹل میں ہلکی بارش شروع ہونے کے باعث ٹاس تاخیر کا شکار ہوگیا ہے۔ دونوں ٹیموں کے درمیان اہم میچ برسٹل کے کاﺅنٹی گراو¿نڈ میں پاکستانی وقت کے مطابق دوپہر ڈھائی بجے شروع ہونا ہے تاہم میچ سے برسٹل میں موسم ابر آلود ہے اور کالی گھٹائیں چھائی ہوئی ہیں۔

محکمہ موسمیات کا کہنا ہے کہ مقامی وقت صبح دس بجے سے رات تک تیز بارش ہو سکتی ہے اور دوپہر کے بعد تیز ہواوں کے سا تھ جھکڑ اور طوفان کی بھی پیش گوئی کی گئی ہے۔میچ کو فیصلہ کن بنانے کے لیے کم از کم 20 اوورز کا کھیل ہونا ضروری ہے تاہم بارش کی وجہ سے میچ نہ ہونے کی صورت میں دونوں ٹیموں کو ایک ایک پوائنٹ ملے گا۔یاد رہے کہ ورلڈکپ کی تاریخ میں سری لنکا پاکستان سے ورلڈ کپ کا کوئی میچ نہیں جیتا ہے۔پوائنٹس سکورنگ ٹیبل پر سری لنکا اور پاکستان کی ٹیمیں 2،2 پوائنٹس کے ساتھ بالترتیب ساتویں اور آٹھویں پوزیشن پر ہیں، سری لنکا کو پاکستان پر بہتر اوسط کی بدولت برتری حاصل ہے۔