برسٹل(نیوزڈیسک) سری لنکن کرکٹ ٹیم کے کپتان کرونا رتنے کا کہنا ہے کہ کل کے میچ میں ہماری ٹیم کچھ بھی کرسکتی ہے، کل بہترین کھیل پیش کریں گے،پاکستانی ٹیم کے بارے میں کچھ نہیں کہاجاسکتا کہ یہ کب کیا کردے۔ برسٹل میں پریس کانفرنس کرتے ہوئے انہوں کہا کہ پاکستان کیخلاف میچ میں غلطی کی کوئی گنجائش نہیں جبکہ پاکستان کیخلاف تین سو رنز بورڈ پر ہوں تو بولرز دفاع کرنے کی پوزیشن میں ہوں گے۔ان کا کہنا تھا کہ افغانستان کیخلاف جیت سے حوصلے بلند

ہوئے ہیں جبکہ فلیٹ وکٹ ہے بیٹنگ لائن اپ پہلے جیسی ہی ہوگی۔انہوں نے کہا کہ جب ٹیم خراب کرتی ہے تو ہر کسی کو برا لگتا ہےاور اگر میچ کے دن اچھا کریں تو کسی بھی سائیڈ کو ہراسکتے ہیں۔