مردان (ویب ڈیسک )قومی ٹیم کے سابق کپتان اور سابق عظیم بلے باز یونس خان نے ورلڈ کپ میں قومی ٹیم سے عمدہ کارکردگی کی امید کرتے ہوئے کہا کہ اگر پاکستانی ٹیم سیمی فئانل میں پہنچی تو عالمی کپ جیت سکتی ہے۔کراچی کے جناح اسپتال میں خطاب کرتے ہوئے یونس خان نے کہا کہ ورلڈ کپ سر پر ہے لہٰذا اب سرفرازاحمد کی کپتانی پر اب باتیں نہیں ہونی چاہئیں، امید ہے کہ سرفراز ورلڈکپ میں اچھی خبر دیں گے۔یاد رہے

کہ یونس خان کی زیر قیادت قومی ٹیم نے 2009 کا ورلڈ ٹی20 جیتنے کا اعزاز حاصل کیا تھا۔سابق عظیم بلے باز نے کہا کہ ورلڈ کپ کے نئے فارمیٹ کو دیکھتے پاکستان کو ایونٹ میں سخت محنت کرنا ہوگی، اگر قومی ٹیم سیمی فائنل میں پہنچی اور قسمت نے ساتھ دیا تو پاکستان ورلڈکپ جیت سکتا ہے۔انہوں نے کہا کہ چیمپیئنز ٹرافی کےآغاز میں بھی کسی کو جیتنے کی امید نہیں تھی لیکن سب نے دیکھا کہ پاکستان نے چیمپیئنز ٹرافی جیتی لہٰذا سب کو مل کر ٹیم کو سپورٹ کرنا چاہیے۔پاکستان کرکٹ ٹیم 23اپریل کو انگلینڈ کے لیے روانہ ہو گی جہاں وہ ورلڈ کپ سے قبل انگلینڈ کے خلاف اسی کی سرزمین پر ایک ٹی20 پانچ ون ڈے میچز کھیلے گی اور پھر ورلڈ کپ کے آغاز سے قبل پاکستانی ٹیم افغانستان اور بنگلہ دیش کے خلاف وارم اپ میچ کھیلے گی۔عالمی کپ میں پاکستانی ٹیم اپنا پہلا میچ 31مئی کو ویسٹ انڈیز کے خلاف کھیلے گی۔