اسلام آباد(نیو زڈیسک)’’قومی کرکٹر عابد علی نے 41سالہ ریکارڈ ز کے چیتھڑے اڑا ڈالے ‘‘ایسا کارنامہ سر انجام دیدیا کہ بھارتی کھلاڑی بھی حیران پریشان ۔۔ قومی ٹیم کے اوپنر عابد علی نے اپنے ہی میچ میں سنچری سکور کرنے کے ساتھ نئی تاریخ بھی رقم کردی ہے ۔31 سالہ عابد علی نے اپنے ون ڈے کیرئیر کے پہلے ہی میچ میں 9 چوکوں کی مدد سے 112رنز کی شاندار باری کھیلی جس کے ساتھ ہی وہ پاکستان کی جانب سے ڈیبیو پر سنچری کرنے والے تیسرے کھلاڑی بن گئے ، اس سے قبل اپنے پہلے ایک روزہ میچ میں سنچری کرنے والوں میں سلیم الٰہی(1995ء) اور امام الحق( 2017ء) شامل ہیں۔عابد علی 1978ءکے بعد آسٹریلیا کے خلاف

ڈیبیو میچ میں سنچری سکور کرنے والے دائیں ہاتھ کے بلے باز ہیں جب کہ 1987ءکے بعد کینگروز کے خلاف سنچری سکور کرنے والے پہلے اوپننگ بیٹسمین ہیں ۔یاد رہے کہ دبئی میں آسٹریلیا نے پاکستان کو چوتھے ایک روزہ میچ میں 278 رنز کا ہدف دیا جس کے جواب میں قومی ٹیم کی جانب سے عابد علی اور شان مسعود نے اننگز کا آغاز کیا لیکن مسعود پہلے ہی اوور میں کھاتہ کھولے بغیر پویلین لوٹ گئے جس کے بعد حارث سہیل بیٹنگ کے لیے آئے اور عابد علی کے ساتھ ملکر دوسری وکٹ کے لیے74رنز جوڑے جس کے بعد حارث سہیل25رنز بنا کر لیون کا شکار بن گئے،دو کھلاڑیوں کے جلد آؤٹ ہونے کے بعد اپنا پہلا میچ کھیلنے والے نوجوان بلے باز عابد علی نے وکٹ کیپر محمد رضوان کے ہمراہ ذمہ دارانہ بیٹنگ کرتے ہوئے ٹیم کا سکور آگے بڑھایا،عابد علی نے اپنے ون ڈے کیرئیر کے پہلے ہی میچ میں 8 چوکوں کی مدد سے شاندار سنچری سکور کی جس کے ساتھ ہی وہ پاکستان کی جانب سے ڈیبیو پر سنچری کرنے والے تیسرے کھلاڑی بن گئے ، اس سے قبل اپنے پہلے ایک روزہ میچ میں سنچری کرنے والوں میں سلیم الٰہی(1995ء) اور امام الحق( 2017ء) شامل ہیں۔عابد علی 9چوکو ں کی مدد سے112رنز بنا کر زامپا کا شکار بنے،انہوں نے محمد رضوان کے ساتھ ملکر تیسری وکٹ کے لیے144رنز جوڑے تھے ،عمر اکمل مسلسل چوتھے میچ میں ناکام رہے اور6رنز بنا کر بولڈ ہوگئے،سعد علی بھی صرف9رنز بنا کر کورٹنائل کا تیسرا شکار بنے،محمد رضوان نے سیریز میں اپنی دوسری سنچری مکمل کی تاہم کپتان عماد وسیم محض1رن بنا کر آؤٹ ہوگئے ،رضوا ن بھی104رنز بنا کر پوویلین لوٹے،عثمان شنواری بھی6رنز بناسکے جس کے بعد گرین شرٹس مقررہ 50 اوورز میں 8 وکٹوں کے نقصان پر 271 رنز بناسکی۔عابد علی اور محمد رضوان کی سنچریاں بھی رائیگاں گئی اور قومی ٹیم کو 6 رنز سے شکست کا سامنا کرنا پڑا جبکہ 5 ایک روزہ میچز کی سیریز میں پاکستان کی مسلسل چوتھی شکست ہے۔گرین شرٹس کی جانب سے عابد علی 112 اور محمد رضوان 104 رنز بناکر نمایاں رہے۔ آسٹریلیا کی جانب سے کولٹر نائل نے 3 اورمارکوس اسٹوئینس نے 2 وکٹیں حاصل کیں۔ اس سے قبل پاکستان نے ٹاس جیت کر پہلے باؤلنگ کا فیصلہ کیا ، آسٹریلیا کی جانب سے ایرون فنچ اور عثمان خواجہ نے ٹیم کو 56 رنز کا آغاز فراہم کیا، ایرون فنچ 39 رنز بنانے کے بعد محمد حسنین کاپہلا انٹر نیشنل شکار بنے،بعد میں آنےوالے کھلاڑیوں میں شان مارش، پیٹرہینڈسکومب اور مارکس سٹوئنس ڈبل فیگر میں بھی داخل نہ ہوسکے اور بالترتیب 2،7 اور5 رنز بناکر پویلین واپس لوٹے۔عثمان خواجہ نے اپنی 9ویں ون ڈے نصف

سنچری مکمل کی جس کے بعد وہ یاسر شاہ کی گیند پر ایل بی ڈبلیو آؤٹ ہوگئے،میکسویل اور ایلکس کیری نے چھٹی وکٹ کے لیے133رنز جوڑے اور اس دوران میکسویل نے اپنی18ویں اور کیری نے پہلی نصف سنچری مکمل کی میکسویل 2 رنز کی کمی سے اپنی سنچری مکمل نہ کرسکے اور آخری اوور میں 98 رنز پر رن آؤٹ ہوگئے ، ان کی اننگز میں 9 چوکے اور 3 چھکے شامل تھے جب کہ ایلکس کیری55 رنز پر آؤٹ ہوئے۔قومی ٹیم کی جانب سے محمد حسنین، یاسر شاہ اور عماد وسیم نے 2،2 وکٹیں حاصل کیں۔