پی ایس ایل کی کوریج سے انکار، پی سی بی کا بھارتی براڈ کاسٹنگ کمپنی کی عقل ٹھکانے لگانے کا فیصلہ
دبئی (نیوز ڈیسک ) پی ایس ایل کی کوریج سے انکار، پی سی بی کا بھارتی براڈ کاسٹنگ کمپنی کی عقل ٹھکانے لگانے کا فیصلہ، پاکستان کرکٹ بورڈ نے پی ایس ایل کے چند ہی میچز کے بعد خلاف قانون ٹورنامنٹ کی مزید کوریج نہ کرنے پر ریلائنس آئی ایم جی کیخلاف مقدمہ کرنے پر غور شروع کردیا۔ تفصیلات کے مطابق پی ایس ایل کو کور کرنے والی
بھارتی کمپنی نے کام کرنے سے انکار کردیا جس کے بعد پی سی بی نے ہنگامی صورتحال میں اوپن ٹینڈر کے ذریعے ایک اور کمپنی کو پی ایس ایل کا ٹھیکہ دیدیا ہے۔میڈیا رپورٹ کے مطابق آئی ایم جی نے تصدیق کی کہ وہ سیاسی کشیدگی کے باعث ٹورنامنٹ کی کوریج سے دستبردار ہوگئے ہیں اور اس سلسلے میں آئی ایم جی نے پی سی بی مارکیٹنگ ڈپارٹمنٹ کو ای میل کے ذریعے آگاہ کردیا ہے۔ بھارتی ارب پتی تاجر مکیش امبانی کی کمپنی آئی ایم جی سے پی سی بی نے ایک سال کیلئے سپر لیگ کی کوریج کا معاہدہ کیا تھا۔ تاہم پاک بھارت کشیدگی کی وجہ سے آئی ایم جی نے پی سی بی کو باضابطہ بتایا کہ بھارتی حکومت نے ہمیں پی ایس ایل کور کرنے سے منع کردیا ہے اور ایسے میں ہمارے لئے ممکن نہیں ہے کہ ٹورنامنٹ میں مزید کام کرسکیں۔ پی سی بی نے ہنگامی صورتحال میں اوپن ٹینڈر کے ذریعے ایک اور کمپنی کو پی ایس ایل کا ٹھیکہ دے دیا ہے جس کے بعد یہ کمپنی بدھ سے شارجہ میں شروع ہونے والے ٹورنامنٹ کے دوسرے مرحلے میں کام کرے گی اور بقیہ ٹورنامنٹ کی کوریج بھی کرے گی۔پی سی بی نے مکیش انبانی کی کمپنی کے خلاف معاہدے کی خلاف ورزی
کرنے پر قانونی چارہ جوئی پر بھی غور شروع کر دیا ہے۔ اس حوالے سے جلد کوئی حتمی فیصلہ کر لیا جائے گا۔ دوسری جانب کریو میں کام کرنے والے کمنٹیٹرز اور ٹیکنیکل عملے کے لوگ فری لانس ہیں اس لئے وہ نئی کمپنی کے ساتھ کام کرتے رہیں گے۔
