یہاں قابل لوگوں کےساتھ یہی سلوک ہوتا ہے پاکستان نے نجم سیٹھی کو بھی عزت نہیں دی

لاہور(آئی این پی ) وقار یونس نے بھی نجم سیٹھی کی پی ایس ایل کی افتتاحی تقریب میں عدم موجودگی پر اعتراض اٹھا تے ہوئے کہا ہے کہ پی سی بی کو نجم سیٹی کو پی ایس ایل کی تقریب میں بلا کر عزت دینی چاہئے تھی۔سابق ٹیسٹ کپتان و کو چ وقار یونس نے کہا ہے کہ پاکستان کرکٹ بورڈ کے سابق چیئرمین نجم سیٹھی کو پی ایس ایل کی افتتاحی تقریب میں مدعو

کر کے ان کی بھر پور ستائش کی جانی چاہیے تھی، لیکن یہ بڑے دکھ اور افسوس کی بات یہ ہے کہ ہمارا معاشرہ کسی کو وہ مقام نہیں دیتا جس کا وہ حقدار ہوتا ہے، بطور قوم ہمیں مستحق لوگوں کو عزت دینی چاہیے۔سوشل میڈپا پر اپنے پیغام میں ماضی کے عظیم بولرز نے کہا کہ نجم سیٹھی کی سربراہی میں پی ایس ایل کا پہلا ایڈیشن یواے ای میں ہوا، اور دوسرے سیزن کا ایک اور تیسرے کے 3 میچز پاکستان میں ہوئے، یہ نجم سیٹھی کی ہی کاوشوں کا نتیجہ ہے اس لئے پاکستان کرکٹ بورڈ کو انہیں پی ایس ایل کی تقریب میں عزت دینی چاہئے تھی۔دوسری جانب نجم سیٹھی کا کہنا ہے کہ میں بھی پی ایس ایل کی کمی محسوس کروں گا، زندگی میں ایسا ہوتا ہے، اس بار شاندار ٹورنامنٹ میں آپ کے ساتھ نہیں ہوں گا لیکن پی ایس ایل میں شرکت کرنے والی تمام ٹیموں کیلیے نیک خواہشات کا اظہار کرتا ہوں۔