شاہد آفریدی کا 23سال پرانا عالمی ریکارڈ نیپال کے 16سالہ کرکٹر نےتوڑ دیا

دبئی (ویب ڈیسک) نیپال کے بلے باز روہت پادل ون ڈے انٹرنیشنل کرکٹ کی تاریخ میں نصف سنچری بنانے والے کم عمر کھلاڑی بن گئے، انہوں نے ہفتہ کو متحدہ عرب امارات کے خلاف کھیلے گئے دوسرے ایک روزہ بین الاقوامی کرکٹ میچ میں ففٹی بنا کر سابق پاکستانی بلے باز شاہد آفریدی کا کم عمری میں ون ڈے انٹرنیشنل ففٹی بنانے کا 23 سال پرانا عالمی

ریکارڈ توڑ کر یہ سنگ میل عبور کیا، پادل نے 16 برس اور 146دنوں کی عمر میں یہ کارنامہ انجام دیا جبکہ آفریدی نے 16 برس اور 217 دنوں کی عمر میں ون ڈے انٹرنیشنل نصف سنچری سکور کر کے عالمی ریکارڈ پر قبضہ جمایا تھا۔